વાપી : સેલવાસ બોર્ડર પાસે લવાછા ગામે દમણ ગંગા નદી કિનારે બર્થડે પાર્ટીમાં દારૂની મહેફિલ માણતા સેલવાસના 19 નબીરાની ડુંગરા પોલીસે ધરપકડ કરી હતી. તેમની પાસેથી દારૂ, કાર, બાઈક અને મોબાઇલ મળી રૂ.32 લાખથી વધુનો મુદ્દામાલ કબજે કર્યો હતો. આ કેસમાં દારૂનો જથ્થો પૂરો પાડનાર યાદવ નામના ઇસમને વોન્ટેડ જાહેર કરાયો હતો.
દારૂની મહેફિલમાં પકડાયેલ 19 પૈકી એકનો રિપોર્ટ કોરોના પોઝિટિવ આવ્યો
પકડાયેલા તમામ આરોપીને ડુંગરા પોલીસ મથકે લાવવામાં આવ્યા હતા. જ્યાં તેમનો કોરોના ટેસ્ટ કરાવાવામાં આવ્યો હતો. જેમાં 19 પૈકી સેલવાસના દયાત ફળિયામાં રહેતા સુનીલ કાલીદાસ નામના આરોપીનો રિપોર્ટ કોરોના પોઝિટિવ આવતા સારવાર માટે તેને વાપીની જનસેવા હોસ્પિટલમાં દાખલ કરાયો છે.