વલસાડ: વલસાડ જિલ્લામાં અનેક રાજકીય આગેવાનો જન્મદિવસની ઉજવણી કરવા માટે હિલ સ્ટેશન કે હોટલોમાં જતા હોય છે તેમજ કેક કાપીને જન્મદિવસની ઉજવણી કરતા હોય છે પરંતુ ભારતીય પરંપરા મુજબ પારડી ભાજપ યુવા મોરચાના પ્રમુખ અંકિત પટેલે તેમના ધર્મપત્ની અદિતિ સાથે રવિવારે ઘરઆંગણે 50 કરતા વધુ વૃક્ષોનું વાવેતર કરી લોકોને પર્યાવરણના જતનનો સંદેશ આપ્યો છે.તેમજ બપોર બાદ જરૂરિયાતમંદ લોકોને ભોજનનું વિતરણ પણ કર્યુ હતુ.
પારડી તાલુકા યુવા ભાજપના પ્રમુખે જન્મદિવસની અનોખી રીતે ઉજવણી કરી - Paradi taluk BJP youth President
પોતાના જન્મદિવસને યાદગાર બનાવવા માટે લોકો અનેક રીતે તેની ઉજવણી કરતા હોય છે પરંતુ પારડી તાલુકાના યુવા ભાજપના પ્રમુખ અંકિત પટેલ અને તેમના ધર્મપત્ની દ્વારા ઉજવણી સાથે પર્યાવરણના રક્ષણની પણ જવાબદારી લઇ 50 થી વધારે વૃક્ષોનું વાવેતર કરવામાં આવ્યું હતું તેમજ જરૂરિયાતમંદ લોકોને ભોજનનું વિતરણ પણ કરવામાં આવ્યું છે.
પારડી તાલુકા યુવા ભાજપના પ્રમુખે જન્મ દિવસની અનોખી રીતે કરી ઉજવણી
અંકિત પટેલને તેમના જન્મદિવસ નિમિત્તે પર્યાવરણ રક્ષક સમિતિના મયંકભાઈ પટેલ કલ્પેશભાઈ પટેલ સહિતના મિત્રો વૃક્ષારોપણ કાર્યક્રમ અને જન્મદિવસની શુભેચ્છા આપવા ઉપસ્થિત રહ્યા હતા.