ધરમપુરના ગામોમાં નેટવર્કની સમસ્યા, રાશન કાર્ડનું કૂપન કાઢવા માટે પણ બબ્બે દિવસ સુધી જોવી પડે છે રાહ

વલસાડ જિલ્લાના ધરમપુરના પૂર્વ પટ્ટીના 20થી વધુ ગામોમાં નેટવર્કની ગંભીર સમસ્યા છે. જ્યાં ઇન્ટરનેટ ન આવવાને કારણે વિદ્યાર્થીઓને તો સમસ્યા નડી રહી છે. સાથે સાથે રાશનકાર્ડની દુકાન પર ઓનલાઈન કૂપન કાઢવા માટે સ્થાનિક રહીશોને પારાવાર મુશ્કેલીઓનો સામનો કરવો પડી રહ્યો છે એ કૂપન કાઢવા માટે ઓછામાં ઓછા 20 મિનિટ જેટલો સમય નીકળી જતો હોય છે. તેના કારણે સ્થાનિક રહીશોને લાંબી લાઈનોમાં બેસવાનો વારો આવે છે. આ સમગ્ર સ્થિતિ રોજિંદા જોવા મળે છે, પરંતુ તેને અલગ કરવા માટે કોઈપણ રાજકારણીઓએ દરકાર સુધ્ધાં લીધી નથી.

• ધરમપુરના પૂર્વપટ્ટીના ગામોમાં ઇન્ટરનેટની ગંભીર સમસ્યા
• નેટવર્ક ન આવવાને કારણે અનેક સેવાઓ ખોરંભે
• રાજપુરી જંગલથી લઈને ગળી બીલધા સુધીના ગામોમાં નેટવર્ક સમસ્યા
• રાશનની દુકાન ઉપર ઓનલાઈન કુપન કાઢવા બબ્બે દિવસ સુધી રાહ જોવી પડે છે
• સ્થાનિકોની પરેશાનીમાં થઈ રહ્યો છે વધારો

વલસાડ : જિલ્લાના ધરમપુર અને તેની આસપાસમાં વિસ્તારમાં આવેલા 20થી વધુ ગામોમાં મોબાઇલ નેટવર્કની સમસ્યા (Mobile network problem) તો છે જ સાથે સાથે નેટવર્ક ન આવવાને કારણે અહીં આગળ ઇન્ટરનેટ (Internet) થી ચાલતી અનેક સુવિધાઓ ખોરંભે પડી છે. જેના કારણે વિદ્યાર્થીઓને ઓનલાઇન શિક્ષણની મુશ્કેલી પડી રહી છે. સાથે સાથે સરકારી યોજના માટે ઓનલાઈન કૂપનો (Online coupons) કાઢવા માટેની પણ સમસ્યા લોકોને પડી રહી છે. લોકોને તો બે દિવસ સુધી લાંબી લાઈનોમાં બેસવાની નોબત આવી છે.

ઓનલાઈન રાશનની કુપન કાઢવા માટે મહિલાઓને કલાકો સુધી બેસવું પડે છે

ધરમપુરના ગાડી અને બિલડા જેવા ગામોમાં ઇન્ટરનેટ (Internet) ન હોવાને કારણે સરકારી રાશન મેળવવા માટે અહીં આગળ વસવાટ કરતા અનુસૂચિત જાતિ અને અનુસૂચિત જનજાતિના લોકો માટે સરકારી રાશન (Government ration) મેળવવા માટે ઓનલાઈન કુપનો કાઢવાની ગંભીર સમસ્યા છે. અહીંયા આગળ રાશનની દુકાન ઉપર લેપટોપ લઈને બેસેલા વ્યક્તિ એક સાથે દોઢસોથી બસ્સો જેટલી રાશનકાર્ડની બુક્સ લઈને બેઠેલો નજરે પડે છે તેની પાછળનું કારણ છે કે, અહીં આગળ ઈન્ટરનેટની ગંભીર સમસ્યા છે. એક કૂપન કાઢવા માટે ક્યારેક 20 મિનિટ તો ક્યારેક બબ્બે ત્રણ-ત્રણ કલાક સુધી રાહ જોવી પડે છે. જે બાદ જ સર્વર કનેક્ટ થતું હોય છે. તો ક્યારેક ક્યારેક તો વીજળીના ધાંધિયા હોવાને કારણે લોકોને બે દિવસ સુધી રાશનકાર્ડની કૂપનથી વંચિત રહેવું પડે છે. જેમાં મહિલાઓની હાલત અત્યંત દયનીય છે.

ધરમપુરના ગામોમાં નેટવર્કની સમસ્યા

આ પણ વાંચો : Corona Effect : ધરમપુરમાં 7 કંટક્ટરોને નથી મળી રહ્યું વેતન

ઘરનું સમગ્ર કામ બાજુએ મૂકીને મહિલાઓ કૂપન મેળવવા માટે આખો દિવસ બેસી રહે છે

સરકારી રાશન મેળવવા માટે ઓનલાઈન કૂપન મેળવવી ફરજિયાત છે અને અહીંના કેટલાક ગામોમાં ઇન્ટરનેટની સુવિધા ન હોવાને કારણે ઓનલાઈન કૂપન કાઢવા ખૂબ જ મુશ્કેલ બને છે, ત્યારે ઓનલાઈન કૂપન કાઢવા માટે મહિલાઓ પોતાના ઘરનું કામ બાજુએ મૂકીને આખો આખો દિવસ સુધી ઓનલાઈન કૂપન કઢાવવા માટેની લાઇનમાં બેસી રહે છે. જેના કારણે પોતાના ઘરનું કામ તો રખડી જાય છે સાથે સાથે તેમની સમયનો પણ બરબાદી થતી હોય છે.

ધરમપુરના ગામોમાં નેટવર્કની સમસ્યા

આ પણ વાંચો : ધરમપુર નગરનો વધુ એક સિતારો કોરોનામાં આથમી ગયો

આસપાસના ગામોના લોકો દ્વારા ઇન્ટરનેટ વ્યવસ્થા ઊભી કરવા અનેક સ્થળે રજૂઆત કરાઇ છે

આસપાસના 20થી વધુ ગામોમાં નેટવર્કની સમસ્યા (network problem) ને કારણે લોકોને પડતી મુશ્કેલીને ધ્યાને લઇને સ્થાનિક લોકોએ અને અગ્રણીઓએ અનેક રાજકારણીઓ, ધારાસભ્યો, સાંસદ તેમજ રાજ્ય કક્ષાના પ્રધાન સુધી લેખિત અને મૌખિક રજૂઆતો સમયાંતરે કરી છે. હજુ સુધી આ કોઈપણ સમસ્યાનો ઉકેલ આવ્યો નથી અને પરિસ્થિતિ જેમની તેમ બની રહી છે. જેથી લોકોની મુશ્કેલીમાં વધારો થઇ રહ્યો છે. આ તમામ ગામોમાં નેટવર્કની સમસ્યા દૂર કરવામાં આવે તેવી સ્થાનિકોમાં માગ ઉઠી રહી છે. આમ ધરમપુર અને તેની આસપાસના પૂર્વ પટ્ટીના અંતરિયાળ ગામોમાં આજે પણ નેટવર્કની સમસ્યા (network problem) ન હોવાથી સરકારની અનેક સેવાઓ નીચલા વર્ગના લોકો સુધી પહોંચી નથી. જો પહોંચે તો તેઓને કલાકો સુધી રાહ જોવાનો વારો આવે છે, ત્યારે આ સમસ્યા રાજકારણીઓના નેત્રપટલ ઉપર કેમ ઉડીને આંખે વળગતી નથી તે એક સળગતો સવાલ છે.

ધરમપુરના ગામોમાં નેટવર્કની સમસ્યા