વલસાડ: જિલ્લામાં એક તરફ જ્યાં કોરોના સંક્રમણને લીધે કેસ વધી રહ્યા છે, ત્યાં સુરત, નવસારી, વડોદરા, મહારાષ્ટ્ર જેવા સ્થળોથી પર્યટકોના કાફલા ધરમપુરમાં ઉમટી રહ્યાં છે. વહીવટી તંત્ર દરેક ચેકપોસ્ટ ઉપર તપાસ શરૂ કરવાની વાત કરી રહી છે, ત્યારે ધરમપુરમાં જ એટલા છીંડા છે કે, સંક્રમણ વધે તો નવાઈ નહીં.
રાજ્યમાં કોરોનાનો કેર ચાલી રહ્યો છે, ત્યારે કલેક્ટરના જાહેરનામા અનુસાર દુકાનો 4 વાગ્યે બંધ કરવાની હોય છે, પણ અહીં વિલ્સન હીલ ઉપર દુકાનો સાંજે 6 વાગ્યા સુધી ધમધમે છે. ખુદ સરપંચ ગામના જવાબદાર નાગરિક પણ અહીં દુકાન ધરાવે છે. તેમ છતાં કોરોનાને રોકવા કોઈ પગલાં લેવાયા નથી અને કલેક્ટરના જાહેરનામાનો ભંગ થઈ રહ્યો છે.
ધરમપુરમાં કોરોનાના કેસ વધ્યા તો જવાબદાર વિલ્સન હીલ હશે