ધરમપુરમાં સને 1800ની આસપાસથી થાય છે હોલિકા દહન

વલસાડના ધરમપુર ખાતે આવેલા સમડી ચોકમાં રાજવી સમયથી પરંપરાગત રીતે હોલિકા દહનનું આયોજન કરવામાં આવે છે. સમગ્ર ધરમપુરના લોકો એક જ સ્થળ પર એકત્ર થઇ અહીં હોલિકા દહન કર્યા બાદ તેની પરંપરાગત રીતે પૂજન વિધિ કરે છે અને આજે પણ વર્ષોથી વૃદ્ધ દ્વારા પૂજન કર્યા બાદ હોળીનું દહન કરવામાં આવે છે. રવિવારે પણ પરંપરાગત રીતે હોળી પ્રગટાવવામાં આવી હતી, જેની પૂજા અનેક મહિલાઓ દ્વારા કરવામાં આવી હતી.

• રાજવી સમયથી સમડી ચોક ખાતે હોળી દહનનો કાર્યક્રમ યોજાય છે
• હોળી પાંચમ સુધી ધરમપુરમાં વિવિધ ફળિયામાં અને કાર્યક્રમો યોજાય છે
• સને 1800ની આસપાસથી હોળી દહનનો કાર્યક્રમ સમડી ચોક ખાતે યોજાય છે

વલસાડ : રાજવી નગરી ધરમપુરમાં રાજાના સમયથી પરંપરાગત રીતે સંભાળી ચોક ખાતે હોલિકા દહન કાર્યક્રમ દર વર્ષે ઉજવણી કરવામાં આવે છે. આ પરંપરા ઇ.સ. 1800ની આસપાસથી શરૂ થઈ હોવાનું માનવામાં આવી રહ્યું છે. આજે પણ એક જગ્યા ઉપર લોકો હોળી દહન કરતા આવ્યા છે, ત્યારે રવિવારે હોળીના દિવસે મોડી સાંજે સમડી ચોક ખાતે સ્થાનિક લોકોએ એકત્ર થઇને પરંપરાગત વિધિ અનુસાર હોળી પ્રગટાવી હતી. જે બાદ અનેક મહિલાઓએ પરંપરાગત રીતે હોળી માતાની પૂજા કરી હતી. મહત્વનું છે કે, આસપાસના ગામના લોકો પણ અહીં પૂજન અર્થે આવે છે.

આ પણ વાંચો -વલસાડ જિલ્લા સહિત દમણ અને સેલવાસમાં કરાયું હોલિકા દહન

કોરોના સંક્રમણને કારણે લોકોની સંખ્યામાં ઘટાડો

વલસાડ જિલ્લામાં વધી રહેલા કોરોના સંક્રમણને કારણે જિલ્લા કલેક્ટર દ્વારા બહાર પાડવામાં આવેલા જાહેરનામા અનુસાર લોકો સ્વયંભૂ જ હવે બહાર નીકળવાનું ટાળી રહ્યા છે. ત્યારે રવિવારે ધરમપુરના સાંભળી ચોક ખાતે હોલિકા દહન માટે જ્યાં દર વર્ષે ભારે સંખ્યામાં ભીડ જોવા મળતી હતી, જે આ વર્ષે ખૂબ જૂજ પ્રમાણમાં લોકો હોલિકા દહન બાદ દર્શન કરવા માટે પણ પહોંચ્યા હતા. આમ આ વખતે કોરોના કાળમાં લોકો પોતે જ સમજી વિચારી ઘરની બહાર નીકળવાનું ટાળી રહ્યા છે.

રાજવી સમયથી સમડી ચોક ખાતે હોળી દહનનો કાર્યક્રમ યોજાય છે

આ પણ વાંચો -રાજકોટમાં કોરોના વાઇરસથી બચવા વૈદિક હોળીનું આયોજન

સમડી ચોક ખાતે દહન કરવામાં આવેલી હોળીની જ્વાળાઓમાંથી ધરમપુરમાં અન્ય ફળિયામાં હોળીઓ પ્રજ્વલિત કરાતી હોવાની માન્યતા

ધરમપુરમાં રાજવી સમયથી ચાલી આવતી પરંપરા અનુસાર સાંભળી ચોક ખાતે પ્રથમ હોળી પ્રજલિત કર્યા બાદ તેની જ જ્યોતિનો ઉપયોગ કરી ધરમપુરના અનેક ફળિયામાં અન્ય હોળી પ્રગટાવવાનો ચીલો હજૂ આજે પણ ચાલે છે. આમ ધરમપુરના સાંભળી ચોક ખાતે પ્રથમ હોળી પ્રગટાવ્યા બાદ ફળિયામાં અને જગ્યા પર હોલિકા દહન શરૂ થતું હોય છે, રવિવારે પણ ધરમપુરમાં સમડી ચોક ખાતે પ્રથમ હોળી પરંપરાગત પ્રજ્વલિત કર્યા બાદ અન્ય જિલ્લાઓમાં પણ હોલિકા દહન કરવામાં આવ્યું હતું. આમ રાજવી સમયથી ચાલી આવતી પરંપરાને ધરમપુર વાસીઓએ આજે પણ જાળવી રાખી પરંપરાગત રીતે હોલિકા દહન કર્યું હતું.

પરંપરાગત રીતે હોળી પ્રગટાવવામાં આવી હતી, જેની પૂજા અનેક મહિલાઓ દ્વારા કરવામાં આવી

આ પણ વાંચો -બુરા ના માનો હોલી હે, હોળી ઉજવણીમાં પણ વિવિધતા, જાણો વિગતે