આરોગ્યપ્રધાન કુમાર કાનાણીએ પારડીના હેલ્પિંગ હેન્ડ ચેરીટેબલ ટ્રસ્ટના નવનિર્મિત કિચન અને ડાઇનિંગ હોલનું ઉદ્ઘાટન કર્યું

વલસાડ જિલ્લાના પારડી ખાતે વયોવૃદ્ધ લોકો માટે મેડિકલ હોમની વર્ષ 2010થી શરૂઆત કરનાર સંસ્થા હેલ્પિંગ હેન્ડ ચેરિટેબલ ટ્રસ્ટમાં નવનિર્મિત કિચન અને ડાઇનિંગ હોલની અર્પણ વિધિ ગુજરાતના આરોગ્ય પ્રધાન કુમાર કાનાણીના વરદ હસ્તે કરવામાં આવી હતી. આ પ્રસંગે તેમણે કહ્યું કે સર્વ જન હિતાય સર્વજન સુખાય જ મનુષ્યને આગળ લઈ જઈ શકે છે, માટે હેલ્પિંગ હેન્ડ ચેરિટેબલ ટ્રસ્ટ દ્વારા કરવામાં આવી રહેલી આ કામગીરી ઉત્તમ છે.

• 2010 માં શરૂ કરવામાં આવી હતી સંસ્થા
• દાતાના દાનથી બનેલા કિચન અને ડાઇનિંગ હોલની અર્પણ વિધિ યોજાઈ
• સંસ્થાની કામગીરી બિરદાવી સરકારી સહાય આપવાની ખાતરી આપી

વલસાડ: પારડી ખાતે નદીકિનારે આવેલા હેલ્પિંગ હેન્ડ ચેરિટેબલ ટ્રસ્ટની સ્થાપના ડૉ. પ્રફુલ મહેતાએ કરી હતી. તેમના દ્વારા સંસ્થામાં વૃદ્ધ લોકોને મેડિકલ હોમની સેવા શરૂ કરવામાં આવી હતી આજે 40 થી વધુ બેડની સુવિધા મેડિકલ હોલમાં કરવામાં આવી છે જે માટે અનેક વૃદ્ધો સારવાર લઇ રહ્યા છે. મેડિકલ હોમમાં સારવાર લઈ રહેલા તમામ દર્દીઓને ગરમ ભોજન મળે એવા હેતુથી દાતા ડૉ. ઝોયા અને ડૉ. હરિવદન દ્વારા 25 લાખના ખર્ચે નિર્માણ પામેલા કિચન અને ડાઇનિંગ હોલનું આરોગ્યપ્રધાન કુમાર કાનાણી દ્વારા રીબીન કાપીને ઉદ્ઘાટન કરવામાં આવ્યું હતું.

આરોગ્યપ્રધાન કુમાર કાનાણીએ પારડીના હેલ્પિંગ હેન્ડ ચેરીટેબલ ટ્રસ્ટના નવનિર્મિત કિચન અને ડાઇનિંગ હોલનું ઉદ્ઘાટન કર્યું

કાર્યક્રમમાં હાજરી આપવા માટે ઉપસ્થિત રહેલા આરોગ્યપ્રધાન કુમાર કાનાણીએ હેલ્પિંગ હેન્ડ ચેરિટેબલ ટ્રસ્ટની કામગીરીને બિરદાવી હતી અને સહકાર તરફની જરૂરી સહાય આપવા માટેની ખાતરી આપી હતી. તેમણે કહ્યું હતું કે સંસ્થા દ્વારા કરવામાં આવી રહેલી કામગીરી જનહિતની છે.

આરોગ્યપ્રધાન કુમાર કાનાણીએ પારડીના હેલ્પિંગ હેન્ડ ચેરીટેબલ ટ્રસ્ટના નવનિર્મિત કિચન અને ડાઇનિંગ હોલનું ઉદ્ઘાટન કર્યું

કલેક્ટરે જનસેવા અંગે જન મન અભિયાનની વાત કરીકાર્યક્રમ દરમિયાન પ્રાસંગિક પ્રવચન કરતા જિલ્લા કલેકટર રાવલે જણાવ્યું હતું કે મનુષ્ય ત્રણ પ્રકારના હોય છે મંથન અને જનકલ્યાણ આમ 3 પૈકી જનકલ્યાણ કામગીરી ઉત્તમ છે અને વલસાડ વહીવટી તંત્ર દ્વારા પણ જનમન અભિયાન શરૂ કરવામાં આવ્યું હોવાનું તેમણે જણાવ્યું હતું. આ કાર્યક્રમ દરમિયાન વલસાડ જિલ્લા ભાજપ પ્રમુખ હેમંતભાઈ કંસારા, ધારાસભ્ય જીતુભાઇ ચૌધરી જિલ્લા કલેક્ટર આર રાવલ, પ્રાંત અધિકારી સી પી પટેલ, મામલતદાર નીરવ પટેલ સહિત અનેક અગ્રણીઓ હાજર રહ્યા હતા.

આરોગ્યપ્રધાન કુમાર કાનાણીએ પારડીના હેલ્પિંગ હેન્ડ ચેરીટેબલ ટ્રસ્ટના નવનિર્મિત કિચન અને ડાઇનિંગ હોલનું ઉદ્ઘાટન કર્યું