વલસાડ : નાનાપોંઢા રેન્જના ફોરેસ્ટર અધિકારી અભિજીતસિંહ રાઠોડને મળેલી પૂર્વ બાતમીના આધારે રાત્રીના દોઢ વાગ્યાની આસપાસ તેઓ પેટ્રોલિંગમાં હતા. તે દરમિયાન મેણધા ગામ ધાકવડ તરફ જતા માર્ગમાં એક ટાટા ટેમ્પોને અટકવતા તેમાંથી સાગ અને સીસમના ચોરસા મળી આવ્યા હતા.
ઘરવખરીના સામાનની આડમાં હતા સાગ અને સીસમના લાકડા
જંગલ વિભાગે માર્ગમાં ટેમ્પો અટકાવતાની સાથે ટેમ્પોચાલક ટેમ્પો મૂકીને ફરાર થઇ ગયો હતો. જ્યારે જંગલ ખાતાની ટીમે ટેમ્પાની પાછળના ભાગે ઉપર મુકેલા કેટલાંક ઘરવખરીનો સામાન હટાવી ને જોતા તેની નીચેથી આ કિંમતી સાગ અને સીસમના લાકડાના ચોરસા મળી આવ્યા હતા.
સીસમના 19 નંગ ચોરસા 23,059ની કિંમત
જંગલ વિભાગની ટીમે ટેમ્પાની તપાસ કરતા ટેમ્પાની અંદરથી અતિ કિંમતી ગણાતા એવા સીસમના ચોરસા મળી આવ્યા હતા. જે કુલ 0.637 ઘન મીટર જેની કિંમત 23059 જેટલી થાય છે.
સાગી ચોરસા નંગ 63 મળ્યા જેની કિંમત 79,242
ટાટા ટેમ્પોમાં છુપાવીને લઈ જવામાં આવી રહેલા આ લાકડામાં સાગી ચોરસા પણ મળી આવ્યા છે. મહત્વનું છે કે, કપરાડાના જંગલોમાં સાગી લાકડાની હેરાફેરી રાત્રી દરમિયાન અનેક વાહનોમાં થાય છે.આ પકડાયેલા ટેમ્પોમાં પણ સાગી ચોરસા મળી આવ્યા હતા. જે કુલ 2.826 ઘન મીટર જેની કિંમત 79, 242 થાય છે. આમ બંને 1,2301ની કિંમતના સાગ અને સીસમના લાકડાના જથ્થો જંગલ વિભાગે કબજે કર્યો છે. તો સાથે ટેમ્પાની કિંમત મળીને કુલ 2,77 307 નો મુદ્દામાલ કબજે કર્યો છે.