વલસાડઃ સમગ્ર વિશ્વમાં પોતાની મીઠાશ માટે જાણીતું અને ફળોના રાજા તરીકે પ્રખ્યાત વલસાડની હાફૂસ કેરીના ખેડૂતો લોકડાઉનને પગલે ચિંતામાં મુકાયા છે. આંબાવાડીમાં કેરીનો પાક હવે 15 દિવસમાં ઉતારવા લાયક થઈ જશે, પણ સ્થિતિ એવી છે કે, લોકડાઉનને પગલે અન્ય રાજ્યોમાંથી કેરીની ખરીદી કરવા માટે આવતા વેપારી હમણાં આવી શકે તેમ નથી. સમગ્ર વિશ્વમાં પોતાની મીઠાશ માટે જાણીતું અને ફળોના રાજા તરીકે પ્રખ્યાત વલસાડની હાફૂસ કેરીના ખેડૂતો લોકડાઉનને પગલે ચિંતામાં મુકાયા છે. આંબાવાડીમાં કેરીનો પાક હવે 15 દિવસમાં ઉતારવા લાયક થઈ જશે, પણ સ્થિતિ એવી છે કે, લોકડાઉનને પગલે અન્ય રાજ્યોમાંથી કેરીની ખરીદી કરવા માટે આવતા વેપારી હમણાં આવી શકે તેમ નથી.
વલસાડમાં આંબાવાડી ધરાવતા ખેડૂતો મુકાયા ચિંતામાં મહત્વનું છે કે, વલસાડ જિલ્લામાં 3 હજાર હેકટરમાં આંબાવાડીઓ આવેલી છે. આ વર્ષે પ્રથમ તો હવામાન ખરાબ હતું ત્યારબાદ કમોસમી વરસાદને કારણે કેરીના પાકને નુકશાન થયું છે. જેના કારણે માત્ર 20 ટકા જેટલું ઉત્પાદન શક્ય બન્યું છે, એવું ખેડૂતો માની રહ્યા છે. જોકે સ્વાદરસિયાઓ માટે માર્ચ મહિનો પૂર્ણ થતાં જ જૂનાગઢની કેસર કેરી વેચાણ માટે આવી જતી હતી, પરંતુ આ વર્ષે લોકડાઉનને પગલે તે પણ બંધ છે.
વિશ્વસ્તરે ફેલાયેલી બીમારી કોરોનાને કારણે કેરીનો પાક એક્સપોર્ટ પણ કરી શકાય એમ નથી, ત્યારે ખેડૂતો માટે "જાયે તો જાયે કહાં" જેવી સર્જાઈ છે. 15 દિવસમાં કેરીનો પાક માર્કેટમાં લાવવા માટે તૈયાર થઈ જશે, ત્યારે ખેડૂતો આશા રાખીને બેઠા છે કે, રાજ્ય સરકાર આંબાવાડીના ખેડૂતો માટે કોઈ વૈકલ્પિક માર્ગ કાઢી આપે.
