ETVના ગ્રાઉન્ડ ઝીરો રિપોર્ટનો પડ્યો પડઘો, કપરાડામાં બાળકોને 6 માસ બાદ અનાજનો જથ્થો મળ્યો

વલસાડ જિલ્લાના કપરાડા તાલુકાના ગાઢવી ગામે આવેલા ધારણમાળ ફળિયામાં ગત 6 માસથી અન્નપૂર્ણા યોજના હેઠળ 27 જેટલા વિદ્યાર્થીઓને અનાજ પૂરૂં પાડવામાં આવ્યું નહોતું. જેના કારણે સ્થાનિક રહીશો દ્વારા મામલતદાર અને જિલ્લા કલેક્ટરને લેખિત ફરિયાદ કરવામાં આવી હતી. ફરિયાદ છતાં આ સમસ્યાનું કોઈ નિવારણ આવ્યું નહોતું. તે દરમિયાન ETV BHARATની ટીમે સ્થળ પર જઈને તપાસ કરતાં વલસાડ જિલ્લા પુરવઠા તંત્ર હરકતમાં આવ્યું હતું અને તાત્કાલિક ધોરણે તેમણે આ સમગ્ર બાબતે તપાસના રિપોર્ટ આપ્યા હતા, ત્યારબાદ કપરાડા તાલુકા પુરવઠા નાયબ મામલતદાર અને મામલતદાર સહિતની ટીમ ધારણમાળ ફળિયામાં પહોંચીને 27 બાળકોને તેમની કળાનીમાં અન્નપૂર્ણા યોજનાનું મળવાપાત્ર અનાજ બાળકોને આપવામાં આવ્યું હતું.

કપરાડાઃ વલસાડ જિલ્લાના કપરાડા તાલુકામાં ગઢવી ગામે આવેલા ધારણમાળ ફળિયામાં છેલ્લા છ માસથી પ્રાથમિક સ્કૂલમાં અભ્યાસ કરતાં 27 જેટલા બાળકોને અન્નપૂર્ણા યોજના હેઠળ આપવામાં આવતો અનાજનો જથ્થો પૂરો પાડવામાં નહોતો આવ્યો. આ વાત છ માસ જેટલો સમય વીતી ગયો છતાં નિષ્ક્રિયા તંત્ર દ્વારા કોઈ પગલાં લેવામાં આવ્યાં નહોતા. આ અંગે ETV BHARATની ટીમ દ્વારા આ ગામની મુલાકાત લેવામાં આવી હતી અને એક રિપોર્ટ પ્રકાશિત કરવામાં આવ્યો હતો.

આ સમગ્ર બાબતની જાણકારી ધરણમાળ ફળીયાના એક સ્થાનિક અગ્રણીઓએ મામલતદાર સમક્ષ લેખિતમાં રજૂઆત કરી તેમને આ બાબતે માહિતગાર કર્યા હતા, ત્યાર બાદ ETV BHARATની ટીમ દ્વારા આ ગામની મુલાકાત લેવામાં આવી હતી. જ્યાં આગળ તપાસ કરતા 27 જેટલા બાળકોના અન્નપૂર્ણા યોજના જોબકાર્ડ છ માસથી સદંતર કોરા જણાયા હતા. સસ્તા અનાજની દુકાન દારે આ બાળકોને તો અનાજ નહોતું આપ્યું. સાથે સાથે ગામના લોકોને પણ છ માસથી અનાજનો પુરવઠો પૂરો પાડયો ન હોવાનું સામે આવ્યું હતું.

આ બાબતનો સમગ્ર અહેવાલ ETV BHARATની ટીમે સૌ પ્રથમ રજૂ કર્યો હતો. જેના પગલે બાદ વલસાડ જિલ્લા પુરવઠા તંત્ર હરકતમાં આવ્યું હતું અને તપાસના આદેશ આપ્યા હતાં. તેમજ કપરાડા તાલુકાના નાયબ પુરવઠા મામલતદાર તેમજ મામલતદારની ટીમ ગાઢવી ગામે પહોંચી સમગ્ર બાબતની તપાસનો રિપોર્ટ જિલ્લા પુરવઠા અધિકારીને સોંપ્યો હતો.

બીજી તરફ છેલ્લા છ માસથી અનાજથી વંચિત રહેલા બાળકોને અનાજનો જથ્થો તેમના નેતૃત્વમાં જ પૂરો પાડવામાં આવ્યો હતો. આમ, કપરાડા જેવા અંતરિયાળ વિસ્તારમાં આવેલા ગાઢવી ગામનો ગ્રાઉન્ડ ઝીરો રિપોર્ટ રજૂ કર્યા બાદ વહીવટી તંત્ર હરકતમાં આવ્યું હતું.

નોંધનીય છે કે, છેલ્લા છ માસથી અનાજથી વંચિત રહેલા બાળકોને અનાજ પહોંચાડવા માટે કપરાડા સરકારી તંત્ર તરફથી નાયબ મામલતદાર પુરવઠા જયદીપભાઈ પ્રજાપતિ, પુરવઠા નિરિક્ષક મુકેશભાઈ ચૌધરી, મામલતદાર કે એસ સુવેરા, જિલ્લા પુરવઠા અધિકારી ડી આઈ પટેલ સ્વયમ્ ગાઢવી ગામની મુલાકાત લીધી હતી.