કપરાડા-રાજબારી બોર્ડર પર એન્ટીજન ટેસ્ટ કર્યા બાદ જ અપાઇ રહ્યો છે પ્રવેશ

ગુજરાત સરકારના આદેશ મુજબ મહારાષ્ટ્રથી ગુજરાતમાં પ્રવેશ કરનારાઓને કોરોના ટેસ્ટ ફરજીયાત કરવામાં આવ્યો છે, ત્યારે ગુજરાતની દરેક બોર્ડર ઉપર આરોગ્ય વિભાગની ટીમ દ્વારા મહારાષ્ટ્રથી ગુજરાતમાં આવતા લોકો માટે વિશેષ તપાસ શરૂ કરવામાં આવી છે. એમાં પણ કપરાડા નાસિક બોર્ડર પર આવેલા રાજબારી ખાતે આરોગ્ય વિભાગની ટીમ દ્વારા મહારાષ્ટ્રથી ગુજરાતમાં પ્રવેશ લેનારા તમામનો ટેસ્ટ સ્થળ ઉપર કરવામાં આવી રહ્યો છે. જો RTPT ટેસ્ટ કરાવ્યો હોય તો પ્રવેશ અપાય છે અને જો તે ન કરાવ્યો હોય તો સ્થળ ઉપર એન્ટીજન ટેસ્ટ કરીને તેમના નામ નંબરો લઈ પ્રવેશ આપવામાં આવી રહ્યો છે.

• ગુજરાત મહારાષ્ટ્ર બોર્ડર ઉપર એન્ટીજન રેપિડ ટેસ્ટ કરવામાં આવી રહ્યો છે
• આરોગ્ય વિભાગ દ્વારા વિશેષ ટીમ તૈનાત કરવામાં આવી
• મહારાષ્ટ્રમાં વધી રહેલા કોરોનાના કેસને લઈને તકેદારીના ભાગરૂપે વિશેષ વ્યવસ્થા ઊભી કરાઈ

વલસાડઃ જિલ્લાના કપરાડા રાજ બારી થઈ નાસિક જતા માર્ગ ઉપર હાલ આરોગ્ય વિભાગ દ્વારા વિશેષ ટીમ તૈનાત કરવામાં આવી છે. મહારાષ્ટ્રમાં વધી રહેલા કોરોનાના કેસને લઈને આ તકેદારીના ભાગરૂપે વિશેષ વ્યવસ્થા ઊભી કરાઈ છે. મહારાષ્ટ્રના નાસિકથી કોઈપણ વ્યક્તિ ગુજરાતમાં પ્રવેશ કરે તો તેઓનો કોરોના ટેસ્ટ ફરજીયાત કરાયો છે, ત્યારે આવા સમયે જો તેઓએ કોરોના ટેસ્ટ કરાવેલો ન હોય તો તે તમામ લોકોનું સ્થળ ઉપર એન્ટીજન રેપિડ ટેસ્ટ કરવામાં આવી રહ્યું છે. જેથી સ્થળ ઉપર જ પ્રવેશ લેનારા વ્યક્તિ કોરોના પોઝિટિવ છે કે નહીં તેનું નિરાકરણ મળી જાય છે. મહત્વનું છે કે આ માર્ગ ગુજરાતી રોજિંદા નાસિક જતા અને શાકભાજી લઈને પરત આવતા લોકો માટે જીવાદોરી સમાન છે.

કપરાડા-રાજબારી બોર્ડર પર એન્ટીજન ટેસ્ટ કર્યા બાદ જ અપાઇ રહ્યો છે પ્રવેશ

આ પણ વાંચોઃ 200થી વધારે મહારષ્ટ્રીયન દર્દીઓ લઈ રહ્યા છે સુરતની કોવિડ હોસ્પિલમાં સારવાર

આરોગ્ય વિભાગ દ્વારા વિશેષ ચેકપોસ્ટ બનાવવામાં આવી

કપરાડાથી નાસીક જતા માર્ગ ઉપર ગુજરાત અને મહારાષ્ટ્ર બોર્ડર પર આવેલા રબારી ગામ ખાતે ગુજરાતની બોર્ડર આરોગ્ય વિભાગ દ્વારા વિશેષ ચેકપોસ્ટ બનાવવામાં આવી છે અને આ ચેકપોસ્ટ પર પોલીસની સાથે આરોગ્ય વિભાગની ટીમને આગળ તૈનાત કરવામાં આવી છે, જેના દ્વારા મહારાષ્ટ્રથી ગુજરાતમાં પ્રવેશતા અનેક લોકોની તપાસ તેમજ ટેમ્પરેચર ચેકિંગ અને જો RTPCR ટેસ્ટ કરાવ્યો ન હોય તો તેવા લોકોને સ્થળ ઉપર જ એન્ટીજન રેપિડ ટેસ્ટ કરાવવા માટે જણાવવામાં આવે છે.

કપરાડા-રાજબારી બોર્ડર પર એન્ટીજન ટેસ્ટ કર્યા બાદ જ અપાઇ રહ્યો છે પ્રવેશ

સ્થળ ઉપર એન્ટીજન રેપિડ ટેસ્ટ કરવામાં આવી રહ્યો છે

રોજિંદા અહીંથી દોઢસોથી વધુ વાહનચાલકો પસાર થતા હોય છે જેમાં મોટાભાગના વાહનચાલકો આરટીપી ટેસ્ટ કરાવ્યાં વિના આવતા હોય છે, ત્યારે તેઓને સ્થળ ઉપર એન્ટીજન રેપિડ ટેસ્ટ કરવામાં આવી રહ્યો છે.

કપરાડા-રાજબારી બોર્ડર પર એન્ટીજન ટેસ્ટ કર્યા બાદ જ અપાઇ રહ્યો છે પ્રવેશ

આ પણ વાંચોઃ ગુજરાત- મહારાષ્ટ્ર બોર્ડર ઉપર પ્રવાસીનું સ્ક્રિનિંગ શરૂ કરાયું

મોટાભાગના લોકો કોરોનાનો રિપોર્ટ લઈને જ આવે છે

આરોગ્ય વિભાગના કર્મચારીઓએ જણાવ્યું કે, મોટાભાગે મહારાષ્ટ્રથી ગુજરાતમાં પ્રવેશતા લોકો પોતાની સાથે કોરોનાનો રિપોર્ટ લઈને જ આવતા હોય છે, પરંતુ કેટલાક લોકો એવા હોય છે કે જેઓ કોઈપણ ટેસ્ટ કરાવ્યાં વિના ગુજરાતમાં પ્રવેશ મેળવવા માટે તત્પર હોય છે, ત્યારે તેવા લોકો માટે એન્ટીજન રેપિડ ટેસ્ટ કરવામાં આવે છે.