વલસાડ નજીકમાં આવેલ ધરમપુર તાલુકાના ગામો અને નવસારીના ખેરગામ નજીકના ધરમપુરને અડીને આવેલ અનેક ગામોમાં છેલ્લા 7 દિવસથીરાત્રીના 8 વાગ્યા બાદ આકાશમાં ડ્રોન જેવી ચીજો લાલ લિલી લાઈટો સાથે એક સાથે 12 થી 15 લાઇનમાં કલાકો સુધી ફરતી દેખાઈ રહી છે. જેને લઈને સ્થાનિક ગામોમાં હાલ ભયનો માહોલ છે. એક તરફ થોડા દિવસ અગાઉ જ પાકિસ્તાન સાથે સરહદ ઉપર વાતાવરણ તંગ બન્યું હતું. જેને ધ્યાને લઈને રાતદરમિયાન દેખાતી ડ્રોન જેવી ઊડતી ચીજોએ ભારે ચકચાર જગાવી છે.
ગ્રામજનોની ફરિયાદ
વલસાડના ધરમપુર, ટુંબી, કાકડકુવા, ફ્લાધરા, બારોળિયા, ટીસકરી જેવા ગામોમાં તેમજનવસારી જિલ્લાના ગૌરી, વડપાડા, પાટી, તોરણવેરા, કાકડવેરી, ધામધુમા, નડગધરી, પાણીખડક, આછવાની, રૂઝવણી જેવા ગામોમાં છેલ્લા 7 દિવસથી રાત્રના 8 વાગ્યાની આસપાસમાં આકાશમાં 10 થી 12 જેટલા ડ્રોન જેવી ચીજો આકાશમાં 60 થી 70 ફૂટ ઉપર ઊડતી જણાય છે. તો આ ડ્રોન દેખાતાએકત્ર થયેલા લોકોએ આ ડ્રોન જેવી ચીજનો પીછો કર્યો પરતું તે પકડી શકાયું નહીં. લોકોના મનમાં અનેક સવાલો ઉભા થયા છે,