વલસાડ: સમગ્ર રાજ્યમાં ચાલી રહેલા 'બેટી બચાવો, બેટી પઢાવો' અભિયાન અંતર્ગત જિલ્લાના દરેક તાલુકાઓમાં જાગૃતતા રેલીનું આયોજન કરવામાં આવી રહયું છે. જેના ભાગરૂપે શુક્રવારે ધરમપુરના જાહેર માર્ગ પર આરોગ્ય વિભાગ દ્રારા વીશાળ રેલીનું આયોજન કરવામાં આવ્યું હતું. સરકારી વિભાગ દ્વારા કેન્દ્રની યોજના અંતર્ગત જાગૃતતા રેલી યોજાઈ હતી, જે ધરમપુરના વિવિધ વિસ્તારોમાં ફરી રહી હતી.
આરોગ્ય વિભાગ દ્વારા આયોજીત 'બેટી બચાઓ, બેટી પઢાવો' રેલી ધરમપુર પોલીસે અટકાવી
'બેટી બચાઓ, બેટી પઢાવો'ની વલસાડ આરોગ્ય વિભાગ દ્રારા કાઢવામાં આવેલી રેલીને પોલીસ દ્વારા અટકાવાઈ હતી. જેને લઈ વહીવટી તંત્ર વચ્ચે સંકલન ન હોવાનું બહાર આવ્યું હતું. જેથી સમગ્ર જિલ્લામમાં અધવચ્ચે રેલી અટકાવી દેવાના વિષયે ચર્ચાનું જોર પકડ્યું હતું.
આરોગ્ય વિભાગ દ્વારા આયોજીત 'બેટી બચાવો, બેટી પઢાવો' રેલી ધરમપુર પોલીસે અટકાવી
આ દરમિયાન ધરમપુર પોલીસ દ્વારા પરવાનગી બાબતે તેને અટકાવી દેવામાં આવી હતી. જો કે, કલેક્ટરના બહાર પાડવામાં આવેલા સભા સરઘસ રેલી અંગેના જાહેરનામામાં પણ સરકારી વિભાગને રેલીઓની છૂટછાટ હોય છે. આ ઉપરાંત તેના માટે કોઈ પરવાનગી લેવાની રહેતી નથી, જે સ્પષ્ટ પણે જાહેરનામાની નકલમાં ઉલ્લેખ કરવામાં આવ્યો છે. આમ છતાં પોલીસ દ્વારા પરવાનગી લેવામાં આવી નથી, એવું કહીને તેને અટકાવવામાં આવી હતી.
નોંધનીય છે કે, જિલ્લા કલેક્ટર દ્વારા બહાર પાડવામાં આવતા જાહેરનામામાં સ્પષ્ટ પણે ઉલ્લેખ કરવમાં આવે છે કે, સરકારી રેલી, કાર્યક્રમોને જાહેરનામું લાગુ પડતું નથી. છતાં ધરમપુર પોલીસે રેલી અટકાવી દેતા પોલીસે જાહેરનામાનું અધ્યયન ન કર્યું હોવાનું જણાય આવ્યું હતું. બીજી તરફ પોલીસનું કહેવું હતું કે, રેલી માટે આરોગ્ય વિભાગે પોલીસ પરવાનગી લીધી ન હતી. જો કે, બાદમાં રેલીને જવા દેવામાં આવી હતી.
Last Updated : Jan 24, 2020, 6:48 PM IST