મુંબઈથી વલસાડના નાનાપોઢામાં આવેલી એક મહિલાનો કોરોના રિપોર્ટ પોઝિટિવ આવ્યો

વલસાડ જિલ્લામાં ગઈ કાલે મોડી રાત્રે મુંબઈના મલાડથી પોતાના બાળકો સાથે કપરાડા તાલુકાના નાનાપોઢા ખાતે આવેલા એક મહિલાનો કોરોના રિપોર્ટ પોઝિટિવ આવતા વલસાડ જિલ્લાના કુલ કેસનો આંકડો 18 પર પહોંચ્યો છે. સાથે જ કપરાડા તાલુકામાં કોરોનાનો પગ પેસરો થતા વહીવટી તંત્ર હરકતમાં આવ્યું છે. પોઝિટિવ આવનાર મહિલાને વલસાડ સિવિલમાં ખસેડવામાં આવી છે.

વલસાડઃ કપરાડા તાલુકાના નાનાપોઢા ગામે લુહાર ફળીયામાં પિયર આવેલા મહિલા શેખ અફસર જહાં અલી અહમદને જે પોતાના ત્રણ સંતાન સાથે મુંબઈથી આવ્યા હતા. જેનો આરોગ્ય વિભાગે કોરોના સેમ્પલ લીધા હતા. જેમાં મહિલાનો પોઝિટિવ રિપોર્ટ આવતા હવે વલસાડ જિલ્લામાં કોરોના કેસનો આંકડો 18 પર પહોંચ્યો છે. જોકે બાળકોના રિપોર્ટ નેગેટિવ આવ્યા છે. અચાનક ગ્રામીણ કક્ષાએ પહેલો કેસ આવતા સમગ્ર વિસ્તારમાં ચર્ચા અને ચિંતાનો વિષય બન્યો છે.

વલસાડ જિલ્લામાં અત્યાર સુધીમાં કુલ 3,065 જેટલા સેમ્પલો લેવામાં આવ્યા હતા. જેમાં 3,040 સેમ્પલો નેગેટિવ આવ્યા છે. જ્યારે 8 સેમ્પલો હજુ રિપોર્ટ પેન્ડિંગ છે. જેમાં, હાલ 11 કેસ એક્ટિવ છે. જ્યારે 4 દર્દી ને સ્વસ્થ થઈ જતા રજા આપી દેવામાં આવી છે. જ્યારે 1નું સુરત ખાતે મોત થયું હતું. નાનાપોઢા ખાતે જે સ્થળ પર કેસ નોંધાયો છે. એ સ્થળની આસપાસના વિસ્તારમાં લાકડાની આડસ મૂકી તકેદારીના ભાગ રૂપે બંધ કરી દેવામાં આવ્યા છે.