આ નવરાત્રિમાં માતાજીનું વાહન છે અશ્વ, જાણો કેવી રીતે કરશો અનુષ્ઠાન.

મા શક્તિની આરાધનાનું પર્વ નવરાત્રિનું અનેરું મહત્વ છે. શાસ્ત્રો મુજબ આ વર્ષે નવરાત્રિમાં માતાજીનું વાહન અશ્વ છે અને અશ્વ એ ગતિ શક્તિનું પ્રતીક છે. નવરાત્રિમાં અનુષ્ઠાન અને ઘટ સ્થપાન કરવાથી જે પણ કાર્ય કરશો એમાં ગતિ અને સફળતા ચોક્કસ પણે મળશે અને ફળ પ્રાપ્તિ થાય છે. આજે શ્રી કલ્યાણ ઉપાસના કેન્દ્ર વલસાડની મોગરાવાડી ખાતે યોજાયેલી એક પ્રેસ કોન્ફ્રરન્સમાં ઉપાસના કેન્દ્રના સંચાલક જોશી મહારાજે આપી હતી.

વલસાડઃ માતાજીના શક્તિ પર્વની ઉજવણી કરવા અનેક લોકો ઉત્સાહિત છે. ત્યારે સરકારે કોરોનામાં ગરબા ઉપર પ્રતિબંધ મુક્યો છે, પરંતુ નવરાત્રીમાં અનુષ્ઠાનનું અને આરાધનાનુ અનેરું મહત્વ છે. શારદીય નવરાત્રીમાં કરવામાં આવતા મંત્રજપ અને યંત્ર અનુષ્ઠાન હોમ હવનો દ્વારા ઈચ્છીત ફળની પ્રાપ્તિ થતી હોય છે. આજે પણ શાસ્ત્રો મુજબ ઘરોમાં કરવામાં આવતા અનુષ્ઠાન દ્વારા સુખ, સમૃદ્ધિ, ધન, વૈભવની પ્રાપ્તિ થાય છે. એમાં પણ યંત્ર સાધના આજે પણ સફળ છે. જેના દ્વારા નવરાત્રીમાં કરવામાં આવતા પૂજા-હવનથી સુખ-સમૃદ્ધિ મળે છે.

રવિવારના રોજ વલસાડની મોગરવાડી ખાતે આવેલ શ્રી કલ્યાણ યંત્ર ઉપાસના કેન્દ્ર દ્વારા યોજાયેલ પત્રકાર પરિષદમાં કેન્દ્રના યંત્ર ઉપાસક જોશી મહારાજે જણાવ્યું કે, કળિયુગમાં આજે પણ યંત્ર સાધના સફળ છે. પણ એના માટે શ્રદ્ધા ખૂબ મહત્વની છે. તેમને કહ્યું કે દરેક વ્યક્તિ આજે કોરોના જેવી બીમારીથી ભયભીત છે. પણ પ્રકૃતિ સાથે જોડાયેલ લોકોને કોરોના થતો નથી. માત્ર બંગલામાં નિવાસ કરતા લોકોને જ કોરોનાએ ભોગ બનાવ્યા છે. ત્યારે આવનારું શક્તિનું પર્વમાં દરેક લોકોને સુખ સમૃદ્ધિ મળે એવા હેતુથી યંત્ર સાધના અને નવરાત્રી અનુષ્ઠાન કરવું જેથી જગતનું કલ્યાણ થાય છે.

આ નવરાત્રીમાં માતાજીનું વાહન છે અશ્વ, જાણો અનુષ્ઠાન કરવાથી થતા ફાયદા

આ વખતે આવનારી નવરાત્રીમાં માતાજીનું વાહન અશ્વ છે. એટલે કે જેમ દરેક નક્ષત્ર આધારિત પડતા વરસાદનું વાહન હોય એમ નવરાત્રીમાં પણ માતાજીના વાહનો હોય છે. આ વખતે માતાજી અશ્વ ઉપર બિરાજીત થઈ પધારી રહ્યા છે. અશ્વએ ગતિ અને શક્તિનું પ્રતીક છે. જેથી આ વખતે થતી પૂજા અને અનુષ્ઠાન બાદ જે ફળ મળશે એ ગતિ અને સફળતા આવનારું હશે. સાથે-સાથે આ વખતે શ્રી ચક્ર યંત્રનું સ્થાપન કરી તેની 9 દિવસ પૂજન કરવાથી દરેક પાપા દોષનો નાશ થશે, સુખ-સમૃદ્ધિ અને સુખાકારી વધશે તેવું જોશી મહારાજે જણાવ્યું હતું.

મહત્વનું છે કે, નવરાત્રીના નવ દિવસ શ્રી કલ્યાણ યંત્ર ઉપાસના કેન્દ્ર દ્વારા આ વખતે નવરાત્રીમાં વિશેષ યંત્ર પૂજન અને અનુષ્ઠાન કરવામાં આવનાર છે. જેનો હેતુ સમગ્ર વિશ્વમાંથી કોરોનાની બીમારીમાંથી મુક્તિ મળે અને જનકલ્યાણ થઈ શકે.