વલસાડમાં આશાવર્કરોએ પડતર માગ પૂર્ણ કરવા આવેદનપત્ર પાઠવ્યું

વલસાડના તડકેશ્વર મંદિરમાં આશા વર્કરોની હડતાળ અને વેક્સિન મુદ્દે મિટિંગનું આયોજન કરવામાં આવ્યું હતું, જેમાં 200થી વધુ આશાવર્કરો જોડાઈ હતી. ત્યારબાદ આશાવર્કરોએ જિલ્લા અધિક કલેક્ટરને આવેદનપત્ર પાઠવ્યું હતું. જોકે, પરવાનગી લીધા વિના અચાનક કાર્યક્રમ કરતા પોલીસે તેમના આગેવાનને ડિટેઈન કર્યા હતા

• વલસાડમાં આશાવર્કર મહિલાઓએ માગ પૂર્ણ કરવા આવેદનપત્ર આપ્યું
• ગુજરાત જનતા જાગૃતિ મંચના માધ્યમ સાથે આશા વર્કર બેહનો એકત્ર થઈ
• આશાવર્કરોને કાયમી અને સાતમા પગાર પંચનો લાભ આપવા પણ કરાઈ માગ
• 5થી 6 મહિના સુધી કોઈ પણ ભથ્થું ન મળ્યું હોવાનો આશાવર્કરોનો આક્ષેપ
• સરકારની પાયાની યોજના લાગુ કરવાની કામગીરીમાં આશા વર્કર અને ફેસિલિલેટર બેહનો કામ કરે છે

વલસાડઃ જિલ્લાની આશાવર્કર મહિલાઓ દ્વારા પગાર અને અન્ય પડતર માંગણી મુદ્દે છેલ્લા કેટલાય વર્ષોથી લડત ચલાવવામાં આવી રહી છે, જેને લઈને આજ રોજ વલસાડના તડકેશ્વર મંદિરના પટાંગણમાં આશાવર્કરોની મિટિંગ નું આયોજન કરવામાં આવ્યું હતું, જેમાં આશાવર્કરોના આગેવાન ચંદ્રિકાબેન સોલંકી પણ ઉપસ્થિત રહ્યા હતા.

વલસાડના તડકેશ્વર મહાદેવ મંદિરમાં આશાવર્કરોએ હડતાળ પૂર્ણ કરવા આવેદનપત્ર આપ્યું

વગર પરવાનગી ને કારણે પોલીસે આગેવાન બહેનોને ડિટેઇન કર્યા

કોઈ પણ પરમિશન વગર આ કાર્યક્રમ યોજાઈ રહ્યો હતો. એટલે પોલીસ કાફલો ખડકી દેવામાં આવ્યો હતો. પોલીસે આગેવાનને ડિટેન કરી તમામ મહિલાઓને પરત જવા માટે કહ્યું હતું, જેને લઈને મામલો ઉગ્ર બન્યો હતો, પરંતુ પોલીસ સમજાવટ બાદ તમામ મહિલા પરત થઈ હતી અને આગેવાનો સાથે આશાવર્કર મહિલાઓએ જિલ્લા અધિક કલેક્ટરને આવેદન પત્ર પાઠવ્યું હતું. આ સાથે જ માગણી મુખ્યમંત્રી સુધી પહોંચાડવા માટે વિનંતી કરાઈ હતી.

વલસાડના તડકેશ્વર મહાદેવ મંદિરમાં આશાવર્કરોએ હડતાળ પૂર્ણ કરવા આવેદનપત્ર આપ્યું

આશા વર્કરો મહિલાઓની માગ શું છે?

આશા વર્કરોની માગ છે કે, સરકાર દ્વારા કરોના જેવી મહામારીમાં પણ સતત પાયા સુધી પહોંચીને કામીગીરી કરનાર આશા વર્કરોને વર્ગ- 4નું મહેકમ ઊભું કરી કાયમી કર્મચારી કરવામાં આવે તેમ જ બંધારણના હક્ક મુજબ લઘુતમ વેતન નક્કી કરી સાતમા પગાર પંચનો લાભ આપવામાં આવે.

કોરોના વેક્સિનેશન દરમયના સરકાર તેઓને માટે 350 રૂપિયા નું વળતર જાહેર કરે

હાલમાં આવેલી કોરોના વેક્સિન આપવા આશા વર્કરોની કામગીરી કરવામાં આવનાર છે. જોકે, તેમના માટે સરકાર દ્વારા હજુ સુધી કોઈ પણ પ્રકારનું ભથ્થું કે વળતર જાહેર કરવામાં આવ્યું નથી. આથી વગર કોઈ ભથ્થા કે વળતરની અપેક્ષાએ કામ કરી રહેલી આશા વર્કર માટે રૂ. 350નું ભથ્થું સરકાર જાહેર કરે એવી માંગ કરવામાં આવી છે અને આશા વર્કરો કોરોના વેક્સિનની કામગીરીમાં સહયોગ આપશે એવો પણ ઉલ્લેખ કર્યો હતો.