વાપીમાં April fool dayની april cool's day તરીકે અનોખી ઉજવણી - celebrated
વાપી : એપ્રિલ ફૂલ ડે ના દિવસે લોકો એકબીજાને મુરખ બનાવી આ દિવસની ઉજવણી કરે છે. પરંતુ વાપીમાં સામાજિક સંસ્થા JCIએ આ દિવસને એપ્રિલ ફૂલ નહીં પરંતુ 'એપ્રિલ કૂલ ડે' તરીકે મનાવી વાપીની વિવિધ સોસાયટીઓમાં અને અન્ય સ્થળો પર વૃક્ષારોપણ કરી અનોખી રીતે ઉજવ્યો હતો.
સામાજિક સંસ્થા JCI દ્વારા વાપીમાં APRIL COOL'S DAYની અનોખી ઉજવણી કરવામાં આવી હતી. JCI વાપીના પ્રમુખ JC ડોક્ટર પરિત ભટ્ટના સફળ નેતૃત્વ હેઠળ હાલના સળગતા પ્રશ્નો જેવા કે ગ્લોબલ વોર્મિંગ, ગરમીમાં થતો વધારો અને પાણીમાં થતા ઘટાડાને ધ્યાનમાં રાખીને 1એપ્રિલે અનોખી રીતે april fool dayને april cool's day તરીકે ઉજવણી કરી વૃક્ષારોપણ કર્યું હતુ,અને વૃક્ષોને દત્તક લેવડાવી ઉછેરવાની બાહેધરી લીધી હતી.
આ અનોખા કાર્યક્રમમાં વાપીની રાધાકૃષ્ણ, suncity, સનરાઈઝ સોસાયટી ગ્રીન એરિયામાં પહેલી એપ્રિલે સવારે વૃક્ષારોપણ કર્યું હતું. આ પ્રસંગે માત્ર વૃક્ષો છોડ વાવવા પૂરતા નહીં પરંતુ તેના ઉછેરની સંપૂર્ણ જવાબદારી પણ JCI સભ્યો અને સોસાયટીના નાગરિકો પાસે લેવડાવી હતી
JCI સંસ્થાએ રહેણાંક સોસાયટી ઉપરાંત ચલા સ્થિત વેલસ્પન સ્કૂલમાં પણ વૃક્ષારોપણ કરવામાં હતું. જ્યાં છોડના માવજતની જવાબદારી શાળાના આચાર્ય સીમા જસ્ટિન અને એમની એન્વાયરમેન્ટ ક્લબદ્વારા લેવામાં આવી હતી. આ સિવાય જ્યાં પણ વૃક્ષોની જરૂર જણાઈ ત્યાં વૃક્ષારોપણ કરવામાં આવ્યું હતું.