ધરમપુર નજીક આવેલા એક ગામમાં 16 વર્ષીય સગીરાને ખેરગામના એક યુવક સાથે પ્રેમસંબંધ હતો. પરંતુ આ યુવકે અન્ય યુવતી સાથે લગ્ન કરી લેતા બંને વચ્ચે ઝઘડો થતા બન્નેના પ્રેમ સંબંધમાં વિક્ષેપ પડયો હતો. તેમ છતાં પણ યુવક દ્વારા સગીરાને સંબંધ રાખવા માટે મળવા બોલાવી હતી. સગીરા ઘરેથી દુકાને જવાનું કહી નીકળ્યા બાદ ઘરે ન પહોંચતા તેની માતા સગીરાને શોધવા નીકળી હતી. જે દરમિયાન સગીરા નજીકની ઝાડીમાં નિર્વસ્ત્ર હાલતમાં રડતી અને આક્રંદ કરતી હાલતમાં મળી આવી હતી. જે બાદ સગીરાએ ચાર જેટલા યુવકોએ તેની સાથે દુષ્કર્મ કર્યું હોવાનું જણાવ્યું હતું. આ જાણી પરિવારજનો હેબતાઈ ગયા હતા. આ ઘટના બાદ યુવતીના માતા-પિતાએ યુવતી સાથે પોલીસ મથકે પહોંચીને ચાર યુવકો વિરુદ્ધ પોલીસ ફરિયાદ કરી હતી.
ધરમપુરમાં થયેલ ગેંગરેપના કિસ્સામાં 3 યુવકો પોલીસ મથકમાં થયા હાજર