વડોદરા: કોરોના વાયરસ મહામારીને પગલે સતત ચાર મહિના સુધી નોકરી ધંધો બંધ રહેતા નાગરિકો આર્થિક સંકડામણનો ભોગ બની રહ્યા છે. તેવા સમયે માસ્ક નહીં પહેરવા બદલ ગુજરાત રાજ્ય સરકારે એક હજાર રૂપિયાનો દંડ વસુલવાની કરેલી જાહેરાત સામે વડોદરા જિલ્લા કલેકટર કચેરી ખાતે યુવા જનજાગૃતિ પાર્ટી દ્વારા વિરોધ નોંધાવી જિલ્લા કલેકટરને આવેદનપત્ર આપવામાં આવ્યું હતું.
વડોદરા: યુવા જનજાગૃતિ પાર્ટીએ માસ્કના દંડના વિરોધમાં કલેક્ટરને આવેદનપત્ર આપ્યું - application letter to vadodara collector
કોરોના વાયરસની મહામારીને પગલે લોકડાઉનની પરિસ્થિતિમાં દરેક ક્ષેત્રે આર્થિક રીતે માઠી અસર પડી છે. ત્યારે, નાગરિકો પાસેથી માસ્ક નહીં પહેરવાના 1000 રૂપિયાનો દંડ વસુલવાની સરકારની જાહેરાત સામે વડોદરામાં લોકોએ વિરોધ પ્રદર્શન કર્યો હતો.
માસ્કના દંડનો વિરોધ
તેમણે માગણી કરી હતી કે, માસ્ક નહિ પહેરવા માટે એક હજાર રૂપિયાના દંડની રકમ સામાન્ય નાગરિકો માટે ઘણી મોટી છે. આ બાબતે સરકારે પોતાના નિર્ણય પાછો ખેંચી નાગરિકોના હિતમાં કોઈ યોગ્ય રસ્તો શોધવો જોઈએ. તેમ જણાવ્યું હતું.