Vadodara sweety patel case : અમદાવાદ ક્રાઇમ બ્રાન્ચ હાડકા મળ્યાં તે સ્થળે પહોંચી

રાજ્યભરમાં ચકચાર મચાવી રહેલા સ્વિટી પટેલ કેસની તપાસ હવે અમદાવાદ ક્રાઇમ બ્રાન્ચ કરી રહી છે. અમદાવાદ ક્રાઇમ બ્રાન્ચના ACP સહિતની ટીમ તપાસ અર્થે આજે વડોદરા આવી પહોંચી હતી. જેમાં PI અજય દેસાઇના કરજણ સ્થિત નિવાસ સ્થાન અને દહેજના અટાલી ગામ, જ્યાંથી માનવ હાડકા મળી આવ્યા હતા. તે બન્ને સ્થળની તપાસ કરવામાં આવી હતી. તદ્ઉપરાંત આ મામલે તમામ પાસાઓની ઊંડાણપૂર્વક તપાસ કરવામાં આવી રહી છે.

• અમદાવાદ ક્રાઇમ બ્રાન્ચ હાડકા મળ્યા હતા તે સ્થળે પહોંચી
• અમદાવાદ ક્રાઇમ બ્રાન્ચે દહેજ અને PIના નિવાસ સ્થાને તપાસ હાથ ધરી
• કેસના તમામ જરૂરી પાસાઓની ઊંડાણપૂર્વક તપાસ કરવામાં આવી

વડોદરા :સ્વિટી પટેલ ગુમ કેસની તપાસ કરી રહેલા અમદાવાદા ક્રાઇમ બ્રાન્ચના ACP ડી.પી. ચુડાસમા સાથે વાત કરતા જણાવ્યુ હતુ કે, આ કેસની તપાસ અમે આજથી હાથમાં લઇ શરૂ કરી છે. જેના અનુસંધાને આજે કરજણ સ્થિત સ્વિટી પટેલ અને અજય દેસાઇના નિવાસ સ્થાને તપાસ હાથ ધરવામાં આવી હતી. વધુમાં તેઓએ જણાવ્યું કે, જે સ્થળેથી હાડકા મળી આવ્યા હતા. તે સ્થળની તપાસ કરી પંચનામુ કરવામાં આવ્યું છે. આવતીકાલે ફોરેન્સિક રિપોર્ટ અંગે તપાસ કરવામાં આવશે. આ કેસના તમામ જરૂરી પાસાઓની ઊંડાણપૂર્વક તપાસ કરવામાં આવી રહી છે.

સ્વિટી પટેલ કેસ

હાડકાની પુષ્ટિ કરવા માટે DNA તપાસ અર્થે મોકલાયા

સ્વિટી પટેલ ગુમ થયા મામલે પોલીસે પતિ અજય દેસાઇનો પોલીગ્રાફી ટેસ્ટ અને નાર્કોટેસ્ટ કરાવ્યો હતો. જેના રિપોર્ટ પર સૌ કોઇની નજર છે. આ કેસમાં દહેજ સ્થિત અટાલી ગામેથી મળેલા હાડકાની પુષ્ટિ કરવા માટે DNA તપાસ અર્થે મોકલી આપવામાં આવ્યા છે. જોકે, આ તમામ ફોરેન્સિક રિપોર્ટ આ કેસમાં મહત્વ સાબિત થશે.

આ પણ વાંચો -