વડોદરા કોર્પોરેશનનો તંગ હાલ: સરકારી ઓફિસોના ન ચૂકવાયેલ વેરાનો આંકડો 22 કરોડ કે 44 કરોડ?

કોર્પોરેશન આર્થિક સકંટનો સામનો કરી રહ્યું છે. બીજી તરફ કોર્પોરેશન માટે સરકારી ઓફિસોના કરોડો રૂપિયાના બાકી વેરાની ઉઘરાણી પડકારજનક બની ગઈ છે. તેવામાં ઉઘરાણીમાં બાકી વેરાની રકમ છુપાવવામાં આવતી હોવાનો આક્ષેપ પણ થઈ રહ્યો છે.

વડોદરાઃ કોઈપણ કોર્પોરેશનની જવાબદારી સમગ્ર શહેરનું યોગ્ય સંચાલન અને શહેરીજનોને યોગ્ય સુવિધા આપવા માટેનું હોય છે, ત્યારે આ જ સુવિધાઓ અને યોગ્ય સંચાલનના અવેજમાં કોર્પોરેશન શહેરની રહેણાંક, વ્યાવસાયિક અને સરકારી મિલકતો પાસે વેરા વસૂલાત કરતી હોય છે.

આ જ કામગીરીના ભાગરૂપે વડોદરા કોર્પોરેશન પણ શહેરીજનો પાસે દર વર્ષે કરોડો રૂપિયાની વેરા વસૂલાત કરે છે, પરંતુ વડોદરા કોર્પોરેશનની હદમાં આવતી કેટલીક સરકારી મિલકતોના કરોડો રૂપિયાના વેરા ઉઘરાવવામાં કોર્પોરેશન નિષ્ફળ ગયુ હોય તેમ લાગી રહ્યું છે. શહેરી વિસ્તારમાં આવતી કેટલીક સરકારી કચેરીઓના બાકી વેરાના આંકડા પર નજર કરીએ તો કરોડો રુપિયા બાકી બોલે છે.પોલિસ કમિશનર કાર્યાલય ૬૬૭૦૩૬૦૯કલેક્ટર ઓફિસ ૪૯૨૩૧૪૯ મામલતદાર ઓફિસ ૩૩૩૮૭૫૪ ખાદી ગ્રામોદ્યોગ કેન્દ્ર ૩૧૫૬૯૨૬ખાદી ગ્રામ ઉધોગ કેન્દ્ર (૦૨) ૪૬૪૦૪૫૩ વેસ્ટર્ન રેલવે ૭૦૦૬૩૬૦૨આ સિવાય શહેરની જાણીતી મોટી સંસ્થાઓની પણ વેરા વસૂલાત કરવામાં તંત્ર નિષ્ફળ અથવા રસ ન હોય તેમ લાગી રહ્યું છે. જેમાં શહેરની જાણીતી ખાનગી પોલો ક્લબના પણ ૫,૯૭,૩૪,૯૭૮ રુપિયાનો વેરો વસૂલવાનો બાકી છે. આમ, વડોદરા કોર્પોરેશન વિભાગ દ્વારા જણાવવામાં આવેલા આંકડા પ્રમાણે અંદાજિત ૨૨ કરોડ રૂપિયા જેટલી સરકારી મિલકતોની વેરા વસુલાત બાકી હોવાનું સામે આવ્યું છે.

જોકે વડોદરા કોર્પોરેશન બાકી વેરાની સૌથી ચોંકાવનારી બાબત તો ત્યારે સામે આવી જ્યારે કોંગ્રેસી કોર્પોરેટરે સમગ્ર મામલે ખુલાસા કર્યા હતાં. કોંગી કોર્પોરેટર ચિરાગ ઝવેરીના જણાવ્યાં પ્રમાણે સેવા સદનના એકાઉન્ટ વિભાગ અને વેરા વસુલાત અધિકારી પાસે તેમના દ્રારા માગેલી માહિતીમાં મોટો તફાવત જોવા મળ્યો છે. એક તરફ વેરા વસૂલાત અધિકારી ૨૨ કરોડ જેવી રકમના વેરા વસૂલવાના બાકી હોવાનુ જણાવી રહ્યાં છે, ત્યારે એકાઉન્ટ વિભાગ ૪૪ કરોડ જેવી બાકી રકમના વેરાની વિગતો આપી હતી. સાથે જ તેમણે જણાવ્યુ હતું કે વેરા વસૂલાતની કામગીરી દરમિયાન કેટલીક વખત એવા કિસ્સા સામે આવે છે કે જેમાં કેટલીક રહેણાંક મિલકત અને કોમર્શિયલ મિલકતના માલિકો દ્વારા કોર્પોરેશન વેરા ભરપાઇ નથી કરાતા, ત્યારે સદન આવી મિલકતોના વહીવટદારો સામે લાલ આંખ કરીને કડકાઈથી વેરા વસૂલાત કરે છે, ત્યારે સરકારી કચેરીઓના કરોડો રુપિયાની વેરા વસુલાતમાં શા માટે ઢીલાશ રાખવામાં આવી રહી છે.એક તો વડોદરા કોર્પોરેશન શહેરની કેટલીક સરકારી મિલકતોને બાકી વેરાને લઈને કરોડો રૂપિયાના આંકડા જણાવી રહી છે, ત્યારે આ કરોડો રૂપિયાના હીરા વસૂલવામાં કોર્પોરેશનનું તંત્ર શા માટે નરમાશ દાખવી રહ્યું છે. તે પણ એક મોટો સવાલ છે.