વડોદરા: અધિક મુખ્ય સચિવ પંકજકુમારે જણાવ્યું હતું કે વડોદરા શહેરમાં કોરોનાના વ્યાપને વધતો અટકાવવા માટે તંત્ર તમામ આવશ્યક પગલા ભરી રહ્યુ છે. ત્યારે શહેરીજનો પણ તંત્રની માર્ગદર્શક સૂચનાઓનું ચુસ્તપણે પાલન કરશે તો આપણે ચોક્કસ કોરોના સામેનું યુદ્ધ જીતી શકીશું. આ ઉપરાંત પંકજકુમારે શહેરના વિવિધ અર્બન હેલ્થ સેન્ટરની મુલાકાત લઈ આ સેન્ટર ખાતે ચાલતી આરોગ્યલક્ષી પ્રવૃતિઓની જાણકારી મેળવી હતી. તેમની સાથે વડોદરા માટે નિમાયેલા ખાસ ફરજ પરના અધિકારી વિનોદ રાવ, મ્યુનિશિપલ કમિશ્નર નલિન ઉપાધ્યાય, પોલીસ કમિશ્નર અનુપમ ગેહલોત, કલેક્ટર શાલિની અગ્રવાલ પણ જોડાયા હતા.
વડોદરાના અધિક મુખ્ય સચિવ પંકજકુમારે શહેરમાં તંત્રની કામગીરીને લઇને કરી સમીક્ષા