ખાણ ખનીજ વિભાગના અધિકારીઓએ બોલાવ્યો સપાટો, 50 લાખનો મુદ્દામાલ સીઝ

ડભોઈની ઓરસંગ નદી ભૂમાફિયાઓ દ્વારા બિનઅધિકૃત રીતે (Unauthorized mining in Dabhoi) મોટાપાયે રેતીનું ખનન ફરિયાદ સામે આવી હતી. જેને લઈને વડોદરા છોટાઉદેપુરની ખાણ ખનીજની ટીમે દરોડા પાડ્યા હતા. સ્થળ પરથી રેતી ભરવાનું હિટાચી મશીન, ટ્રક સહિત અંદાજે 50 લાખનો મુદામાલ સીઝ કરીને આગળની કાર્યવાહી હાથ ધરી છે.(Dabhoi Mines Department raids)

વડોદરા : ડભોઇ તાલુકામાંથી પસાર થતી ઓરસંગ નદીનાં કિનારાના કાંઠે આવેલા ગામોનાં (Unauthorized mining in Dabhoi) પટમાંથી ભૂમાફિયાઓ દ્વારા બિનઅધિકૃત રીતે મોટાપાયે રેતીનું ખનન કરવાની પ્રવૃત્તિઓ જોરશોરથી બેફામ રીતે ચાલી રહી હોવાની ફરિયાદો સ્થાનિક કક્ષાએ થઈ હતી. જેથી છેલ્લા બે દિવસથી આ ભૂમાફિયા સામે ખાણ અને ખનીજ વિભાગના અધિકારીઓ દ્વારા ઊંડાણપૂર્વક તપાસ અને કડક કાર્યવાહીનો આરંભી દીધી હતી. જેને પગલે આ ભૂમાફિયાઓમાં ભારે ફફડાટ ફેલાઈ ગયો. (Illegal mining sand in Orsang River)

શીતપુર પાસે ખાણ ખનીજ વિભાગના દરોડાડભોઇ તાલુકાના જેતપુર પાસેથી પસાર થતી ઓરસંગ નદીના પટ્ટમાં ખાણ ખનીજ વિભાગ વડોદરા અને છોટાઉદેપુર જિલ્લાના ઉચ્ચ અધિકારીઓએ સંયુક્ત રીતે ઓપરેશન હાથ ધર્યુ હતું. જેમાં ભારે સપાટો બોલાવી શીતપુર પાસેના નદીના પટમાંથી બિનઅધિકૃત રીતે રેતી ઉલેચી રહેલા લાખો રૂપિયાના સાધનોને સીઝ કરી કડક કાર્યવાહી કરી હતી. જેથી ભૂમાફિયાઓમાં ભારે ફફડાટ ફેલાઈ જવા પામ્યો હતો. (Mines Department raids in Sitpur)

અગાઉ અધિકારીઓ મુલાકાત લઈ જતાદિવસેને દિવસે નદીના પટમાંથી રેતીનું ગેરકાયદેસર ખનન થતું હોવાને કારણે નદીના પટમાં પાણીના સ્તર ઉંડા જતા રહેતા હોવાની ગ્રામજનોની વ્યાપક ફરિયાદ ઉભી થવા પામી હતી. આ રીતે ખનનના કારણે મોટું નુકસાન પણ થઈ રહ્યું હતું. સુત્રો અનુસાર પહેલા અધિકારીઓ વારંવાર આવીને મુલાકાત લઇ પરત જતા રહેતા હતા. ખનનની કાર્યવાહીમાં ઉપયોગમાં લેવાતી ટ્રકો પણ RTO પાર્કિંગની નંબર પ્લેટ વગરની જોવા મળતી હતી. ગેરકાયદેસરનો વહિવટ કોના ઇશારે કામ કરી રહ્યું છે તે બાબત ચર્ચાના એરણે ચઢવા પામી છે. આ કરાયેલી કાર્યવાહીમાં પકડાયેલી ટ્રકમાં કોઈપણ ઠેકાણે RTO પાર્સિંગની નંબર પ્લેટ જોવા મળી ન હતી. આ બાબતે પણ એક મોટો ચર્ચાનો વિષય સર્જાયો છે. (Dabhoi Mines Department raids)

આ પણ વાંચોસુરતની અંબિકા નદીમાં ચાલતા ગેરકાયદેસર ખનનનો પર્દાફાશ, ખાણ ખનીજ વિભાગને ડ્રોનની મદદથી મળી સફળતા

વડોદરાના ભૂસ્તરશાસ્ત્રીની સીધી સૂચનાથી પગલાં ભરાયાંવડોદરા જિલ્લા ભૂસ્તર શાસ્ત્રી સુનીતા અરોરાની સૂચના અને માર્ગદર્શન હેઠળ શીતપુર પાસેથી નદીના પટમાં ગેરકાયદેસર રીતે ઉલેચવાની ચાલતી ખનન પ્રવૃત્તિ અટકાવવાનું ઓપરેશન પાર પાડવામાં આવ્યું હતું. શીતપુર ગામ પાસેથી રેતી ખનન કરતી એક ટ્રક અને મશીન (હિટાચી) ઝડપી પાડવામાં આવ્યું હતું. ખાણ ખનીજ ખાતા દ્વારા આજે આકસ્મિત રેડ પાડી આ કાર્યવાહી કરવામાં આવી હતી. આમ, લીઝ વિસ્તારની બહાર ચાલી રહેલાં રેતી ખનન કૌભાંડને ઝડપી પાડવામાં આવ્યું હતું. (Sand mining scam in Sitpur village)

આ પણ વાંચોરેતી માફિયા પર રેડ, ખોટી રીતે થતા ખનન પર લગામ ખેંચાઈ

કર્મચારીઓએ દ્રારા ઓપરેશન ખાણખનીજ વિભાગ વડોદરા છોટાઉદેપુર સંયુક્ત ટીમના કર્મચારીઓએ દ્રારા ઓપરેશન પાર પાડવામાં આવ્યું હતું. આ કાર્યવાહીમાં એક રેતી ભરવાનું હિટાચી મશીન અને એક ટ્રક જેની કિંમત આશરે 50 લાખ ઉપરાંતની રકમ નોંધવામાં આવી હતી. તેને સીઝ કરી ફરતી કૂઈ ખાતે ખાણ ખનીજ વિભાગના નિયંત્રણ હેઠળ મૂકી દેવામાં આવ્યાં હતાં. વાહન માલિકો સામે પણ કાયદેસરની કાર્યવાહી કરી વધુ તપાસ હાથ ધરવામાં આવી છે. ખાણખનીજ વિભાગની આ કડક કાયદેસરની કાર્યવાહીની સ્થાનિક ગ્રામજનોએ પ્રશંસા કરી હતી. (Sitapur Orsang River)