વડોદરા: વડોદરા જિલ્લા કલેક્ટર દ્વારા ઉત્તરપ્રદેશ તંત્ર સાથે સંકલન કરીને શ્રમિકોને તેમના વતન મોકલવા માટેની વ્યવસ્થા કરવામાં આવી હતી. મોડી રાત્રે આ શ્રમિકોને સિટી બસમાં બેસાડીને રેલવે સ્ટેશન લઇ જવાયા હતાં. જ્યાંથી તેઓ ટ્રેનમાં બેસીને વતન જવા રવાના થયા હતા. આ તકે સોશિયલ ડિસ્ટન્સિંગનું ખાસ ધ્યાન રાખવામાં આવ્યું હતું. ગુજરાત સરકારે ઉત્તરપ્રદેશ માટે બનાવેલા નોડલ અધિકારી તેમજ ઉત્તરપ્રદેશ તંત્રના ગૃહસચિવ અને રેલવે તંત્ર સાથે સંકલન કરીને 1209 પ્રવાસીઓને ટ્રેન દ્વારા ઉત્તરપ્રદેશ મોકલવામાં આવ્યા છે. તો બીજી તરફ જેમની પાસે પોતાના વાહનો છે તેવા શ્રમિકોને ઓનલાઈન પાસ કાઢી આપવામાં આવ્યા હતા જેથી તેઓ પોતાના વાહનો દ્વારા વતન જઈ શકે.
વડોદરામાં લોકડાઉનના કારણે ફસાયેલા 1209 શ્રમિકોને ઉત્તરપ્રદેશ મોકલાયા