વડોદરા : વિશ્વભરમાં ચાલી રહેલા કોરોના વાયરસની મહામારીમાં લોકોને બિનજરૂરી ઘરની બહાર ન નીકળવાની અપીલ કરવામાં આવી રહી છે. ત્યારે વડોદરાના મકરપુરા એસ.ટી. ડેપોના પાછળ આવેલા શિવ શક્તિનગરમાં રહેતી 32 વર્ષીય મહિલા દિપાલીબેન રાકેશભાઈ વાઘ લોકડાઉનમાં બાળકીને લઇને ઘરની બહાર નીકળ્યા હતા. જેથી તેમના સાસુએ કોરોના વાયરસ ચાલે છે, અને ઘરની બહાર બાળકીને લઇને તું કેમ ગઇ હતી, તેવો ઠપકો આપતા દિપાલીબેનને લાગી આવતા બે સંતાનોને છોડીને ગળેફાંસો ખાઇને આપઘાત કર્યો હતો.
વડોદરા શહેરના મકરપુરા વિસ્તારમાં સાસુએ ઠપકો આપતા પુત્રવધુનો આપઘાત