સાવલીના ભાદરવા ગામે સેવાસેતુ કાર્યક્રમ યોજાયો

વડોદરાઃ સાવલી તાલુકના ભાદરવા ગામે રાજ્યસરકારની વિવિધ લોકઉપયોગી યોજનાનો લાભ લાભાર્થીને ઘર આંગણે મળી રહે તે હેતુથી ગામની કન્યાશાળામાં સેવા સેતુ કાર્યક્રમ યોજવામાં આવ્યો હતો.

સામાન્ય રીતે ગ્રામજનોને નાના-મોટા સરકારી કામકાજ કરાવવા માટે કચેરીઓના ધક્કા ખાવા પડતા હોય છે. જેથી ભાદરવા પંથકના અરજદારોને પૈસા અને સમયની બચત કરાવી ઘર આંગણે જ આવકનાં દાખલા તથા 'માં અમૃતમ કાર્ડ' રીન્યુ જેવા કામોની સમસ્યાનું નિરાકરણ લાવવું એ કાર્યક્રમનો મુખ્ય હેતો હતો. આ કાર્યક્રમનો બહોળી સંખ્યામાં લાભાર્થીઓએ લાભ લીધો હતો.

આ તકે ભાદરવા સરપંચ મહેન્દ્રસિંહ રણા, પ્રાંત અધિકારી એસ,જે,પંડ્યા, મામલતદાર એ,વી, ભાટીયા, TDO એમ,ડી, ભાટીયા ટીમ સાથે સામાજીક કાર્યકર અશોક ગામેચી ઉપસ્થિત રહ્યા હતાં.