વડોદરામાં લગ્નની લાલચ આપી યુવતી પર આચર્યું દુષ્કર્મ

વડોદરામાં લગ્નની લાલચ આપીને દુષ્કર્મ કરવાનો મામલો સામે આવ્યો છે. યુવતી ગર્ભવતી બનાવી દેનાર હવસખોર યુવાન સામે પાણીગેટ પોલીસ સ્ટેશનમાં ફરિયાદ નોંધવામાં આવી હતી.

વડોદરા: રાજ્યમાં રોજબરોજ દુષ્કર્મની ઘટનાઓ સામે આવે છે. ત્યારે વધુ એક વડોદરાની યુવતી સાથે દુષ્કર્મ આચર્યાની ધટના સામે આવી છે. જેમાં લગ્નની લાલચ આપીને દુષ્કર્મ આચરી યુવતીને ગર્ભવતી બનાવતા મામલો પોલીસ મથકે પહોંચ્યો હતો. જેમાં હવસખોર યુવાન સામે પાણીગેટ પોલીસ સ્ટેશનમાં ફરિયાદ નોંધવામાં આવી હતી.

વડોદરામાં છેલ્લા દોઢ-બે વર્ષથી કિશનવાડી સંતોષી ફળિયા વિસ્તારમાં રહેતી યુવતીને પોતાની પ્રેમજાળમાં ફસાવવા માટે પીછો કરતો હતો. પ્રેમજાળમાં યુવતી ફસાયા બાદ તેને લગ્ન કરવાની લાલચ આપી હતી. તેને નવજીવન પાસે એક ખંડેર મકાનમાં લઇ જતો હતો. તે યુવતીની મરજી વિરૂદ્ધ દુષ્કર્મ આચર્યું હતું. અવાર-નવાર દુષ્કર્મ આચરવાના કારણે યુવતી ગર્ભવતી બની હતી.

જેમાં 4 માસનો ગર્ભ રહી જતા યુવતીએ હવસખોર સચિન ઉર્ફે કરણ કદમને લગ્ન કરવા દબાણ શરૂ કર્યું હતું. પરંતુ કરણ લગ્ન કરતો ન હતો. યુવતીને જણાવ્યું કે, જો તું આ અંગેની જાણ કોઇને કરીશ તો તારી માતા અને બહેનનું અપહરણ કરી તેઓને મારી નાખીશ. પરંતુ યુવતી ધમકીથી ગભરાયા વિના પરિવારની મદદ લઇ પાણીગેટ પોલીસ મથકમાં હવસખોર સચિન ઉર્ફે કરણ સામે ફરિયાદ નોંધાવી હતી.પોલીસે પોક્સો સહિતની કલમ સાથે ગુનો નોંધી કાર્યવાહી હાથ ધરી છે.