આમ તો SWEEGYમાં જમવાનું આવે છે, અહીં તો દારૂ...

વડોદરા: શહેરમાં ઘર ઘર સુધી આજે સહેલાઇથી ફૂડના ઓર્ડરને પહોંચાડવામાં આવે છે. ત્યારે, ફૂડ ડિલીવરીની આડમાં દારૂની સપ્લાય કરતો સ્વીગીનો ડીલીવરી બોય ઝડપાયો હતો. જેની પાસે બિયરના કેન મળી આવ્યા હતા.

મળતી માહિતી મુજબ ફૂડ ડીલીવરી બોય દ્વારા ફૂડ ડીલીવરી સમયે ગ્રાહક સાથે મિત્રતા કેળવી જમવાની સાથે દારૂના શોખીન લોકોનો નંબર મેળવી ગ્રાહકને દારૂની ડિલિવરી પણ જમવાની સાથે કરતો હતો. જોકે શંકાસ્પદ ફૂડ ડીલીવરી બોયની તપાસ કરતા પોલીસને બિયરની ટીન મળી આવ્યા હતાં. જોકે હાલ તો આ સમગ્ર મામલે પોલીસે ફૂડ ડિલિવરી કરતા રાહુલ મહિડા નામના ડિલિવરી બોયની ધરપકડ કરી કાયદેસરની કાર્યવાહી હાથ ધરી હતી.