વડોદરાઃ ગુજરાત રાજ્ય સહકારી સંઘ આયોજિત શિલ્ડ હરીફાઈમાં મિયાગામ કરજણ દૂધ ઉત્પાદક મંડળીએ મેદાન માર્યું છે. મંડળીને એવોર્ડ એનાયત કરી સન્માનિત કરવામાં આવતા પ્રમુખ સહિત સભાસદોમાં ખુશીની લહેર ફેલાઈ હતી.
વધુ રોજગારી આપતો વ્યવસાય એટલે પશુપાલન
ગુજરાત રાજ્ય સહકારી સંઘ રાજ્યભરની દૂધ મંડળીઓને ઉત્તમ ઉત્પાદન અને કામગીરીના મૂલ્યાંકન હેતુ શિલ્ડ હરીફાઈનું આયોજન કરે છે. જેના ભાગરૂપે વર્ષ 2019-20 માં આયોજિત શિલ્ડ હરીફાઈમાં મિયાગામ કરજણ દૂધ ઉત્પાદક મંડળી પ્રથમ સ્થાને આવી છે. જે બદલ મંડળીને સન્માનિત કરવામાં આવી હતી.
કામગીરી અને સેવાનું મૂલ્યાંકન કરાયું
ગુજરાત રાજ્ય સહકારી સંઘ દ્વારા ગુજરાતમાં વધુ રોજગારી આપતો વ્યવસાય એટલે પશુપાલન છે. જેમાં સહકારી મંડળીઓને પ્રોત્સાહિત કરવા માટે વર્ષ દરમિયાન કરેલી ઉત્તમ કામગીરી અને સેવાનું મૂલ્યાંકન કરીને જિલ્લાની શ્રેષ્ઠ સહકારી સંસ્થાને એવોર્ડ આપવમાં આવે છે. જેમાં વડોદરા જિલ્લાની સારી સેવા અને ઉત્તમ કામગીરી બદલ કરજણ તાલુકાના મિયાગામની દૂધ ઉત્પાદક સહકારી મંડળીને જિલ્લાની શ્રેષ્ઠ સહકારી મંડળીનો એવોર્ડ આપવામાં આવ્યો અને સન્માન પત્ર પણ આપવામાં આવ્યું હતું.