International Museum Day : 150 વર્ષની જૂની દુર્લભ ચીજ વસ્તુઓએ રેલવે હેરિટેજ મ્યુઝિયમમાં આકર્ષણ જમાવ્યું

આંતરાષ્ટ્રીય મ્યુઝિયમ દિવસ પર વડોદરા પ્રતાપનગરનું રેલવે હેરિટેજ મ્યુઝિયમ આકર્ષણનું કેન્દ્ર બન્યું છે. કારણ કે, આ મ્યુઝિયમમાં 150 વર્ષ જૂની તેમજ અમૂલ્ય વસ્તુઓનો સંગ્રહ છે. આ મ્યુઝિયમમાં દુર્લભ ચીજ વસ્તુઓ, રાજશાહી કટલરી, રોચક ફોટોગ્રાફ જેવી અનેક વસ્તુઓ જોનારાઓ માટે આકર્ષણનું કેન્દ્ર છે.

વડોદરા :આજે આંતરાષ્ટ્રીય મ્યુઝિયમ ડે છે, ત્યારે વડોદરાના પ્રતાપનગર સ્થિત આવેલા રેલવે હેરિટેજ મ્યુઝિયમ ખુબ જ આકર્ષણનું કેન્દ્ર બન્યું છે. આ મ્યુઝિયમની સ્થાપના વર્ષ 1997માં કરવામાં આવી હતી. આ મ્યુઝિયમ સાથે રોલિંગ સ્ટોક પાર્ક લોકો માટે ખુલ્લો મુકવામાં આવ્યો હતો. આ મ્યુઝિયમમાં રેલવેને લગતી 150 વર્ષ જૂની તેમજ અમૂલ્ય વસ્તુઓનો સંગ્રહ જોવા મળી રહ્યો છે. અહીં વર્ષ 1836ના રોડ રોલર અને 1874માં બનેલ હેન્ડ ક્રેઇન, નેરોગેજ ટ્રેનના એન્જિન, કોચને ફેરવનારી ટર્ન ટેબલ અને ડાયમંડ ક્રોસિંગ જેવો અમૂલ્ય વારસો ધરાવતી વસ્તુઓ લોકો માટે આકર્ષણનું કેન્દ્ર છે.

ભારતીય રેલવેમાં સૌથી વધુ નેરોગેજ લાઇનનો રેકોર્ડ વડોદરા ડિવિઝન પાસે છે. અલબત્ત, હાલમાં મોટા ભાગના રેલ ખંડોનું ગેજ પરિવર્તન કાર્ય સ્વીકાર્ય છે, તેમજ તેને મોટી લાઇનમાં બદલવાની કામગીરી ઝડપથી પૂરી કરવામાં આવી રહી છે. નેરોગેજનો અનોખો તેમજ અમૂલ્ય વારસો જાળવી રાખવાનું કાર્ય વડોદરા મંડળ દ્વારા કરવામાં આવ્યું છે, જે અનુકરણીય છે. વડોદરા શહેર અને પશ્ચિમ રેલવેની શાન એવું આ મ્યુઝિયમ અને હેરિટેજ પાર્ક પરિસરમાં 150 વર્ષથી પણ વધારે જૂની તેમજ અમૂલ્ય વસ્તુઓનો અદ્ભુત સંગ્રહ છે. તથા આને જોવા આવનારા લોકો તેને જોઇને અભિભૂત થઇ જાય છે.- ભજનલાલ મીણા (ડિવિઝનના મિકેનીકલ એન્જિનિયર)

અમૂલ્ય વસ્તુઓનો સંગ્રહ

દુર્લભ ચીજ વસ્તુઓનો સંગ્રહ :આ ઉપરાંત, હેરિટેજ મ્યુઝિયમમાં દુર્લભ નકશા અને ટ્રેન ટાઇમ ટેબલ, હેન્ડ જનરેટર, વાદ્યયંત્ર, વોલ ક્લોક, ઘંટ, ટેલિગ્રાફ ઉપકરણ, વિવિધ પ્રકારના બેજીસ, રોચક ફોટોગ્રાફ તેમજ ડીઝલ એન્જિનના વર્કિંગ મોડલ સહિત સ્ટીમ એન્જિનની કાર્ય શૈલી દર્શાવતા મોડલ, રાજશાહી કટલરી અને રોલિંગ સ્ટોક પાર્કમાં ઇ.સ.1836ના રોડ રોલર અને 1874માં બનેલ હેન્ડ ક્રેઇન તથા નેરોગેજ ટ્રેનના એન્જિન અને કોચને ફેરવનારી ટર્ન ટેબલ અને ડાયમંડ ક્રોસિંગ જેવો અમૂલ્ય વારસો ધરાવતી વસ્તુઓ જોનારાઓ માટે આકર્ષણનું કેન્દ્ર છે.

અમને ખુબ સારું લાગ્યું છે. અહીં જુના લેમ્પ અને મશીનરી છે. ઘડિયાળ અને વિવિધ ટાઇમટેબલ ખુબ જોવાની મજા પડી હતી. આ રેલવેના જુના બ્રિજગેજ અને હાલમાં તેનું કેટલું અંતર હતું અને હાલમાં જેટલું છે તે વિશેની માહિતી મેળવી હતી. - શિરોયા મીરાય (મુલાકાતી)

લોકોમાં જૂની વસ્તુઓનું આકર્ષણ

વર્ષો જુના હેરિટેજ કલેક્શન :હેરિટેજ મ્યુઝિયમમાં વર્ષ 1875ના ટાઇમટેબલ અને સમયપત્રક સાથે રેલવેની શરૂઆતથી લઈ આજદિન સુધીના લોગો પણ જોવા મળી રહ્યાં છે. અહીં પ્રદર્શનીમાં મુકેલ કેટલીક વસ્તુઓ ગાયકવાડના સમયગાળા અને શાસનની છે. કટલરીએ રોયલ સલૂન ડાઇનનો એક ભાગ બનાવ્યો હતો. જેમાં ચમચી, કાંટો, છરીઓ બધા ચાંદીના બનેલા છે. સાથે ટીકીટ કલેક્ટર અને પોસ્ટમેનના વર્ષ 1935-40 દરમિયાન ઉપયોગી બનેલા બેલ્ટ પણ જોવા મળી રહ્યા છે. અહીં ટીકીટ બારી વર્ષ 1875 દરમિયાન વપરાતો ટીકીટ બારીની ઝાંખી મુકવામાં આવી છે. આ સંગ્રહાલયમાં અનેક ચીજવસ્તુઓનો સંગ્રહ કરી યુવા પેઢી માટે એક માહિતગાર બને તે અર્થે મુકવામાં આવ્યું છે.