- સાવલી ખાતે 20 લાખ ખર્ચે એક ટન ઓક્સિજન પ્લાન્ટનું લોકાર્પણ
- રાજ્યપાલ આચાર્ય દેવવ્રત દ્વારા વર્ચ્યુલ લોકાર્પણ કરવામાં આવ્યું
- વલ્લભ યુથ ઓર્ગેનાઇઝેશન દ્વારા અવિરત સેવા કર્યો ચાલી રહ્યા છે
વડોદરા : કોરોના મહામારીમાં સમાજસેવા સેવા માટે NGO સહિત ધાર્મિક સંપ્રદાયો પણ આગળ આવી રહ્યા છે, ત્યારે વડોદરાના વૈષ્ણવાચાર્ય વ્રજરાજકુમારજી મહારાજની અધ્યક્ષતામાં એક મહિનાથી કાર્યરત વલ્લભ યુથ ઓર્ગેનાઇઝેશન કોવિડ કેર ડ્રાઈવ ( Vallabh Youth Organization Covid care drive ) અંતર્ગત વલ્લભ યુથ ઓર્ગેનાઈઝેશન દ્વારા સેવાકીય કાર્યો અવિરતપણે ચાલી રહ્યાં છે. ત્યારે Vallabh Youth Organizationના તત્વાધાનમાં સાવલી ખાતે 20 લાખના ખર્ચે એક ટનનો ઓક્સિજન પ્લાન્ટના લોકાર્પણમાં વર્ચ્યુઅલ માધ્યમથી રાજયપાલ દેવવ્રત આચાર્ય જોડાયા હતા.
વલ્લભ યુથ ઓર્ગેનાઇઝેશનના ટ્રસ્ટી સહિતના અગ્રણીઓ જોડાયા
વડોદરા સર સયાજીરાવ ગાયકવાડ નગરગૃહ ખાતે આયોજિત સાદા સમારોહમાં વ્રજરાજકુમારજી ઉપસ્થિત રહ્યા હતા અને ગાંધીનગરથી રાજ્યપાલ વર્ચ્યુઅલી જોડાયા હતા. વડોદરા ખાતે મેયર કેયુર રોકડીયા, શહેર બીજેપી પ્રમુખ ડો. વિજય શાહ, મંત્રી સહિતના હોદ્દેદારો સાવલીના ધારાસભ્ય કેતન ઇનામદાર , તેમજ વલ્લભ યુથ ઓર્ગેનાઇઝેશન ( Vallabh Youth Organization )ના ટ્રસ્ટી સહિતના અગ્રણીઓ જોડાયા હતા.