GIDCમાં કેમિકલ ભરેલા ડ્રમો લઇ જતી ગાડીમાં લાગી આગ, કાબૂ મેળવ્યો

વડોદરા: શહેરના GIDCમાં કેમિકલ ભરેલા ડ્રમો લઈ જતી ગાડીમાં અચાનક આગ લાગતા ચકચાર મચી ગઈ હતી. જે બાદ ફાયર ફાઇટરોએ આગ પર કાબૂ મેળવ્યો હતો.

મળતી માહિતી મુજબ વડોદરા નજીક આવેલ GIDCમાં પોલીકેમ કંપનીમાંથી કેમિકલ ભરેલી ગાડી લઇ અન્ય સ્થળે જતી હતી. પીકઅપ વાનમાં અચાનક આગ લાગતા અફરાતફરીનો માહોલ સર્જાયો હતો. જો કે, આ ઘટનામાં કોઈ જાનહાની થઈ નથી. પરંતુ, ગાડી અંદર કેમિકલ હોવાના કારણે ભયંકર ધુમાડો થતા રાહદારીઓને શ્વાસ લેવામાં તકલીફ પડી હતી. આગની ગંભીરતા જોતા આગ પર કાબુ મેળવવા નંદેસરી GIDCનાં ફાયર ફાઇટરો ઘટના સ્થળે પહોંચી આગ પર કાબુ મેળવ્યો હતો.