ધર્માંતરણ અને હવાલા કૌભાંડના આરોપીઓને ઉત્તરપ્રદેશથી વડોદરા લાવવામાં આવ્યાં

વડોદરા ઉત્તરપ્રદેશના ચકચારી ધર્માંતરણ કેસના તાર વડોદરાના આફમી ટ્રસ્ટ સાથે જોડાયા બાદ અનેક ખુલાસો થયા હતા. અને કરોડોના વ્યવહારો ઝડપી પાડવામાં આવ્યાં હતા. ધર્માંતરણ અને ફન્ડીંગના કેસમાં ઝડપાયેલા સલાઉદ્દીન અને ઉમર ગૌતમને ઉત્તરપ્રદેશથી વડોદરા લાવવામાં આવ્યા છે. બંને આરોપીઓને લઈને પોલીસ વડોદરા કોર્ટ પહોંચી હતી. આ માટે વડોદરા SOGની એક ટીમ વડોદરા નજીકના હાઇવેથી ઉત્તરપ્રદેશની જાપ્તા ટુકડી સાથે જોડાઈ હતી.

• સલાઉદ્દીન અને મૌલાના ગૌતમ ઉંમરને જ્યુડિશિયલ કસ્ટડીમાં મોકલવામાં આવી શકે છે
• વડોદરા SOG અને SIT ના અધિકારીઓ કોર્ટમાં હાજર રહશે
• વડોદરા પોલીસની કસ્ટડીની માંગને નકરાતી કોર્ટ

વડોદરા: વડોદરા SOG દ્વારા જુલાઈ માસમાં સલાઉદ્દીન મૌલાના, ઉંમર ગૌતમ, મોહંમદ મન્સૂરી સહિતનાઓ વિરુદ્ધ ગુનો નોંધવામાં આવ્યો હતો. આફમી ટ્રસ્ટના સલાઉદ્દીન શેખ, શાહનવાઝ પઠાણ તથા મોહંમદ મન્સૂરીના સિમી સાથે સંકળાયેલ વ્યક્તિઓ સાથે સંપર્ક ખુલ્યા છે. પ્રતિબંધિત સંગઠન સિમી અને આફમી વચ્ચે કોઈ નાણાકીય વ્યવહાર થયા છે કે કેમ તે અંગે તપાસ કરવામાં આવશે. સલાઉદ્દીનને યુકેથી ફન્ડિંગ કરનાર આલ્ફાલાહ ટ્રસ્ટના ટ્રસ્ટી યુકે સ્થિત અબ્દુલ્લા ફેફડાંવાળાને 18મી એ હાજર થવા SIT એ સમન્સ આપ્યું હતું.

ઉત્તર પ્રદેશ ATSની તપાસને કારણે નામ ખૂલ્યા

ઉત્તરપ્રદેશ ધર્માંતરણ પ્રકરણની તપાસ કરી રહેલ ઉત્તર પ્રદેશ ATSની તપાસને કારણે સામે વડોદરાના આફમી ચેરીટેબલ ટ્રસ્ટનું(Afmi Charitable Trust) નામ ખૂલ્યું હતું. જેના મેનેજીંગ ટ્રસ્ટી સલાઉદ્દીન શેખ દ્વારા વિદેશથી હવાલા મારફતે મોટી રકમ મેળવી ટ્રસ્ટના હેતુઓ વિરુદ્ધ રકમના ગેરકાયદે ઉપયોગ મામલે તપાસ ચાલી રહી છે.

આ પણ વાંચો : સરદાર બ્રિજ પરથી એક મહિલાએ તાપી નદીમાં ઝંપલાવ્યું, ગૃહ પ્રધાને કાફલો રોકાવી મદદ માટે આપી સૂચના

આ પણ વાંચો : ...તો નહીં આવે કોરોનાની ત્રીજી લહેર! આરોગ્ય પ્રધાન ઋષિકેશ પટેલે આપ્યું મોટું નિવેદન