Vadodara: વડોદરામાં ઈદના જુલુસ દરમિયાન વાંધાજનક ગીત વગાડતા 3ની ધરપકડ

ગુજરાતના વડોદરામાં ડીજે પર વાંધાજનક ગીત વગાડવા બદલ ત્રણ લોકોની ધરપકડ કરવામાં આવી હતી. પોલીસના જણાવ્યા અનુસાર આ ઘટના 29 સપ્ટેમ્બરે ઈદ મિલાદ ઉન નબીના અવસર પર બની હતી.

વડોદરા:વડોદરામાં ઈદ-મિલાદ-ઉન-નબી નિમિત્તે કાઢવામાં આવેલા જુલૂસ દરમિયાન ડીજે પર વાંધાજનક ગીત વગાડવા બદલ ત્રણ લોકોની ધરપકડ કરવામાં આવી હતી. પોલીસે હાલ ગુનો દાખલ કરીને ધરપકડ કરી છે અને વધુ તપાસ હાથ ધરી છે. ઉલ્લેખનીય છે કે હાલમાં જ વડોદરા ખાતે બે જૂથ વચ્ચે અથડામણની ઘટનાઓ પણ બની હતી.

ત્રણ આરોપીઓની ધરપકડ:ડીજે માલિક સહિત ધરપકડ કરાયેલા આરોપીઓની ઓળખ હૈદરખાન મુખ્તિયાર પઠાણ, સરાફરાઝ જલીલ અહેમદ અંસારી ઉર્ફે કાલિયા અને રાહુલ રાધેશ્યામ ધોબી તરીકે થઈ છે.

વિવિધ કલમો હેઠળ ગુનો દાખલ:પોલીસે આપેલી માહિતી અનુસાર આરોપીઓ પર ભારતીય દંડ સંહિતાની કલમ 143 (ગેરકાયદેસર સભા), 153A (વિવિધ જૂથો વચ્ચે દુશ્મનાવટને પ્રોત્સાહન આપવું), 153B (વિવિધ ધાર્મિક, વંશીય, ભાષા અથવા પ્રાદેશિક જૂથો વચ્ચે અસમાનતા અથવા નફરતને પ્રોત્સાહન આપતા નિવેદનો કરવા માટે), 188 (ઇરાદાપૂર્વક) હેઠળ કેસ કરવામાં આવ્યો હતો. આદેશનો અનાદર), અને 144 અને ગુજરાત પોલીસ એક્ટની કલમ 131 અને 135 કલમ હેઠળ ગુનો દાખલ કરવામાં આવ્યો છે.

વધુ તપાસ પ્રક્રિયા હેઠળ:હાલ તમામ આરોપીઓ પોલીસ કસ્ટડીમાં છે. વધુ તપાસ પ્રક્રિયા હેઠળ હોવાનું પોલીસે ઉમેર્યું હતું. ઉલ્લેખનીય છે કે હાલમાં જ વડોદરા જિલ્લાના સાવલી તાલુકાના મંજુસર ગામે ગણેશ વિસર્જન યાત્રા દરમિયાન એકાએક પથ્થરમારો થયો હતો. જાણવા મળતી માહિતી મુજબ મંજુસરના વાઘેલા ફળિયા વિસ્તારમાં બે જૂથ વચ્ચે પથ્થરમારો થતા અફડાતફડીનો માહોલ સર્જાયો હતો. સમગ્ર બનાવની જાણ પોલીસને થતા મંજૂસર પોલીસ તાત્કાલિક ઘટનાસ્થળે પહોંચી સ્થિતિને થાળે પાડી હતી.

(ANI)