વડોદરાથી બેંગલુરુ અને દિલ્હીની વધુ બે નવી ડોમેસ્ટિક ફ્લાઈટ શરુ કરાઈ હોવાની મળતી માહિતી મુજબ વડોદરા ઉદ્યોગપતિઓ અને વેપારીઓના પ્રતિનિધિ મંડળે તાજેતરમાં જ નાગરિક ઉડ્ડયન પ્રધાનને મળીને વડોદરાથી વહેલી તકે ઈન્ટરનેશનલ ફ્લાઈટ શરુ કરવામાં આવે તેવી પણ રજૂઆત કરવામાં આવી હતી.
વડોદરાથી દિલ્હી, મુંબઈ અને બેંગલુરુ વચ્ચે રોજની 10થી વધુ ફ્લાઈટ છે. જેમાં બીજી બે ફ્લાઈટનો ઉમેરો થયો છે અને સુવિધામાં વધારો થયો છે. વડોદરાવાસીઓને દિલ્હી અને બેંગલુરુની વધુ 2 ફ્લાઈટના કારણે અન્ય ઈન્ટરનેશનલ ડેસ્ટિનેશન માટે કનેક્ટિંગ ફ્લાઈટના વધુ કેટલાક વિકલ્પો ઉપલબ્ધ થયા છે.
વડોદરા શહેરના લોકોને નવી ડોમેસ્ટિક ફ્લાઈટની ભેટ મળી છે. દિલ્હીથી સવારે સાત વાગ્યે ઉડાન ભરીને આ ફ્લાઈટ વડોદરા ખાતે સવારે 8ઃ40 આવશે અને વડોદરાથી સવારે 9ઃ15 ઉડાન ભરીને સવારે 10ઃ55ને દિલ્હી પહોંચશે.આ ફ્લાઈટ રોજ ઉપલબ્ધ રહેશે. જેથી વડોદરાની જનતાને વધુ 2 ડોમેસ્ટિક ફ્લાઈટની ભેટ મળી છે.
