પાદરામાં 108માં EMT તરીકે ફરજ બજાવતી મહિલા તેના પાંચ માસના બાળકને ઘરે મુકીને બજાવી રહી છે ફરજ

કોરોના વાઇરસની મહામારીમાં દેશની સેવા માટે અનેક સરકારી-અર્ધસરકારી કર્મચારીઓ નિષ્ઠાપૂર્વક ફરજ બજાવી રહ્યા છે. ત્યારે પાદરામાં 108માં ઇ.એમ.ટી. તરીકે ફરજ બજાવી રહેલા રિધ્ધીબહેન ચાવડા પોતાના પાંચ માસના બાળકને માતા-પિતા પાસે મુકીને ફરજ બજાવી રહ્યા છે. પિતા દિવસ દરમિયાન 108નું જ્યાં લોકેશન હોય, ત્યાં બાળકને માતા પાસે લઇ જાય છે અને તેને ફિડિંગ કરાવે છે.

વડોદરાઃ જિલ્લાના પાદરા તાલુકામાં બે 108 એમ્બ્યુલન્સ લોકોની સેવામાં કાર્યરત છે. બે એમ્બ્યુલન્સ પૈકી એક એમ્બ્યુલન્સમાં પાદરામાં રહેતા રિધ્ધીબહેન હિતેષભાઇ ચાવડા ઇ.એમ.ટી. તરીકે ફરજ બજાવે છે. રિધ્ધીબહેન ચાવડાએ પાંચ માસ પૂર્વે બાળકને જન્મ આપ્યો હતો. જેનું નામ વિવાન છે. હાલ વિવાન પાંચ માસનો હોવા છતાં રિધ્ધીબહેન પોતાના પાંચ માસના બાળકની સાથે ઘરે રહેવાના બદલે કોરોના વાઇરસની મહામારીમાં લોકોની સેવામાં જોડાયા છે.

રિધ્ધીબહેન ચાવડાએ જણાવ્યું હતું કે, મારા પુત્રને બે માસ પૂરા થતાંજ કોરોના વાઇરસની મહામારી શરૂ થતાં લોકડાઉન કરી દેવામાં આવ્યું હતું. કોરોના વાઇરસની વધતાજતા સંક્રમણને જોઇ મેં નોકરી શરૂ કરી દેવાનું નક્કી કરી લીધું હતું. આવી મહામારીમાં લોકોની સેવા કરવાની મારી પણ ફરજ બને છે. મેં મારા પુત્ર સાથે રહેવાને બદલે મેં નોકરી શરૂ કરી દીધી હતી. દિવસ દરમિયાન પુત્રને ફિડિંગ કરાવવા માટે મારા પિતા 108નું જ્યાં લોકેશન હોય ત્યાં લઇને આવે છે. ત્યાં હું સમય હોય તો મારા પુત્ર સાથે પાંચ-દસ મિનિટ વહાલ કરી લઉં છું. પાદરા 108માં ફરજ બજાવતા સ્ટાફે પણ EMT રિદ્ધિની ફરજ નિષ્ઠા જોઈને તેઓએ દેશસેવા કરી રહેલા રિદ્ધિ ચાવડાની પ્રસન્નશા કરી હતી.