પાલનપુર માર્કેટયાર્ડમાં ચૂંટણી પહેલા સર્જાયો વિવાદ

બનાસકાંઠા જિલ્લાના મુખ્યમથક પાલનપુર માર્કેટયાર્ડની ચૂંટણીમાં મતદારોની પ્રથમ યાદી જાહેર થતા જ વિવાદ સર્જાયો છે. બોગસ લાઇસન્સ બનાવી મતદારો ઊભા કર્યાના આક્ષેપ સાથે વેપારીઓએ વિરોધ નોંધાવ્યો છે. બોગસ લાયસન્સ રદ નહીં થાય અને મતદાર યાદીમાં સુધારો નહીં થાય ત્યાં સુધી વેપારીઓ હડતાળ પર ઉતરી જતા માર્કેટ યાર્ડમાં માલની આવક જાવક ઠપ થઈ છે.

• પાલનપુર માર્કેટ યાર્ડની ચૂંટણી પહેલા સર્જાયો વિવાદ
• ચૂંટણીલક્ષી લાયસન્સમાં નામ નહીં અટકાવવામાં આવે તો આંદોલનની ચીમકી
• ચૂંટણીલક્ષી લાયસન્સ આપી મતદારયાદીમાં 180 જેટલાં નામ ખોટા

બનાસકાંઠા: જિલ્લાના મુખ્યમથક પાલનપુરમાં આવેલી માર્કેટયાર્ડ (marketyard) માં નિયામક મંડળની ચૂંટણી (election) આગામી 18 સપ્ટેમ્બરે યોજાનારી છે.જેમાં પ્રથમ મતદાર યાદી જાહેર થતાં જ માર્કેટ યાર્ડમાં વિવાદ ઊભો થયો છે. વેપારીઓ દ્વારા આક્ષેપ કરાઈ રહ્યાં છે કે, ચૂંટણીલક્ષી લાયસન્સ આપી મતદારયાદીમાં 180 જેટલાં નામ સમાવિષ્ટ કરાવ્યાં છે. જે નામ રદ્દ કરી મતદાર યાદી નહીં સુધરે ત્યાં સુધી વેપારીઓએ હડતાળનો માર્ગ અપનાવતા માર્કેટ યાર્ડમાં માલની આવક જાવક ઠપ થઈ છે. જેને લઈ માલ લઈ આવતા ખેડૂતો અને માર્કેટ યાર્ડમાં કામ કરતા શ્રમિકોને અટવાવાનો વારો આવ્યો છે.
ચૂંટણી આવતા સમયે જ વિવાદ
મહત્ત્વની વાત છે કે, ચૂંટણી આવતાની સાથે જ આ વિવાદ સામે આવ્યો છે. વેપારીઓ મતદાર યાદી સુધારવામાં આવે તેવી માગ કરી રહ્યા છે. બોગસ લાયસન્સને લઈ વેપારીઓએ વિરોધ નોંધાવ્યો છે. હાલ વેપારીઓએ માર્કેટ બંધ રાખી વિરોધ કરતા ખેડૂતો તેમજ શ્રમિકો અટવાયા છે. જોકે વેપારીઓએ હડતાળ પર ઊતરવા ખેડૂતો પોતાનો માલ લઈ માર્કેટ યાર્ડમાં વેચવા પહોચ્યા પરંતુ માર્કેટ યાર્ડમાં હડતાળનેે પગલે બંધ પેઢીઓને લઈ ખેડૂતોને વાહનોનું ભાડું ભોગવવાનો વારો આવ્યો છે. જેને લઈ વેપારીઓની સાથે સાથે ખેડૂતોમાં પણ રોષ ભભુકયો છે. તો બીજી તરફ માર્કેટ યાર્ડમાં કામ કરતા શ્રમિકોની રોજીરોટી પણ છીનવાઇ છે. વહેલી તકે માર્કેટયાર્ડ શરૂ થાય તેવી માગ કરી રહ્યા છે.

Banaskantha news

ચૂંટણી આવતા આ એક રાજકીય રીતે ઉભુ કરાયેેલુું ષડયંત્ર છે - માર્કેટયાર્ડ ચેરમેન
આ સમગ્ર મામલે માર્કેટ યાર્ડ ચેરમેન ફતા ધારિયાએ નિવેદન આપ્યું હતું કે, માર્કેટ યાર્ડના જે લાઇસન્સ છે 413 તે માર્કેટ યાર્ડ દ્વારા મંજૂર કરવામાં આવેલા છે. જે લોકો આક્ષેપ કરી રહ્યા છે. તેમની પણ સહિ છે. તે સિવાય બહારના જે 162 લાયસન્સ છે તે રજીસ્ટ્રાર દ્વારા મંજૂર કરવામાં આવે છે. આ તમામ 575 લાયસન્સ વાળી મતદાર યાદી બહાર પાડવામાં આવી હતી. જેમાં કોઈ ને વાંધો હોય તો એ રજૂઆત કરી શકે છે. રજિસ્ટરમાં જે બોગસ લાઇસન્સ (bogus licence) ની રજૂઆત કરાઈ છે તેને લઇ ડી આર કચેરીથી તપાસ હાથ ધરાશે. જેમાં જે કોઈ લાયસન્સ ખોટું હશે તે રદ કરવાની જવાબદારી ડી આર કચેરીના અધિકારીઓની છે. હાલ માર્કેટમાં હડતાળ રાખવાથી ખેડૂતો તેમજ શ્રમિકો અટવાયા છે. ચૂંટણી આવતા આ એક રાજકીય રીતે ઉભુ કરવામાં આવ્યું હોય તેવા આક્ષેપ પણ ચેરમેન દ્વારા કરાયા હતા.