Tapi News : નેશનલ હાઇવે નંબર 56માં જમીન સંપાદન અંગે ખેડૂતોનો હુંકાર, જીવ આપી દઈશ પણ જમીન નહીં

તાપી જિલ્લામાં પસાર થનાર નેશનલ હાઇવે નંબર 56માં જમીન સંપાદન અંગે ખેડૂતોની બેઠક યોજાઈ હતી. જેમાં ધારાસભ્ય અનંત પટેલ અને અન્ય જમીન ગુમાવનાર ખેડૂતોની આગેવાનીમાં વિરોધની રણનીતિ નક્કી કરાઈ હતી. જેમાં ખેડૂતોનું કહેવું છે કે, જીવ આપી દઈશું પરંતુ અમારી જમીન નહીં આપવી.

તાપી :તાપી જિલ્લામાંથી નેશનલ હાઇવે નંબર 56 પસાર થનાર છે. જે અંગેનું જાહેરનામું બહાર પાડવામાં આવ્યું છે. જેમાં તાપી જિલ્લામાંથી 51 કિલોમીટરનો માર્ગ પસાર થશે. વ્યારાના 22 ગામો અને ડોલવણ તાલુકાના 6 ગામોના ખેડૂતોની જમીન સંપાદન થનાર છે. સુનાવણી આગામી બીજી મેના રોજ યોજાનાર છે. જે અંગે આજે વ્યારાના બેડકુવાદૂર ગામે કોંગ્રેસના વાંસદાના ધારાસભ્ય અનંત પટેલની હાજરીમાં ખેડૂતો સાથે બેઠક યોજાઈ હતી. જેમાં ખેડૂતોએ જમીન નહીં આપવા હૂંકાર કર્યો હતો અને આગામી દિવસોમાં યોજાનાર સુનાવણીમાં કરવામાં આવનાર વિરોધ અંગે રણનીતિ નક્કી કરાઈ હતી.

જમીન સંપાદનનું કામ મોકૂફ : ગત રોજ તારીખ 27 એપ્રિલના દિવસે જમીન સંપાદનનું કામ શરૂ થનાર હતું, ત્યારે જમીન ગુમાવનાર ખેડૂતો અને આદિવાસી આગોવાનો દ્વારા કલેકટર કચેરીએ અધિકારીઓ દ્વારા સંતોષ કારક જવાબ ન આપતા. તારીખ 26 એપ્રિલના રોજ ધરણા પ્રદર્શન કરવું પડ્યું હતું. સાથે જમીન સંપાદનનું કામ હાલ મોકૂફ રાખવાની માંગ કરતા પ્રાંત અધિકારી અને જિલ્લા કલેકટર દ્વારા 2 મેં સુધી જમીન સંપાદનનું કામ મોકૂફ રાખવામાં આવ્યું હતું.

આ પણ વાંચો :Tapi News : તાપીમાં જમીન સંપાદન મુદ્દે કલેકટર કચેરી બહાર ખેડૂતોના ધરણાં

જમીન આપીશું નહી : કોંગ્રેસ વાંસદાના ધારાસભ્ય અનંત પટેલે જણાવ્યું હતું કે, વાપી સામડાજી રોડ જેનું વિસ્તુતીકરણ થવા જઈ રહ્યું છે. ત્યારે તેમના દ્વારા વાંધો ઉઠાવી વિરોધ નોંધાવવામાં આવ્યો છે. જેજે વિસ્તારના લોકોની જમીન વાપી સમડાજી માર્ગમાં જાય છે. તેવા આદિવાસી અને અન્ય સમાજના બધા જ ખેડૂતો આગામી 2 મેં ના રોજ સુનાવણીમાં તાપી જિલ્લામાં આવીશું. પરંતુ એક ઇંચ પણ જમીન આપીશું નહી.

આ પણ વાંચો :ભારતમાલા પ્રોજેક્ટનો છોટા ઉદેપુરમાં પણ થયો વિરોધ

ખેડૂતોનું શું કહેવું છે : પીડિત ખેડૂતોનું કહેવું છે કે, નેશનલ હાઇવે 56માં અમારે એક પણ ઇંચ જમીન આપવી નથી અને સરકારનું વળતર અમને જોઈતું નથી. જીવ આપી દઈશું પરંતુ અમારી જમીન નહીં આપવી. ત્યારે બીજા ખેડૂતને કણજા ગામમાં સરપંચ દ્વારા કહેવામાં આવ્યું હતું કે, સૌથી વધારે તેમની જમીન જાય છે અને સરકારનું વળતર પણ નક્કી કરવામાં આવ્યું નથી. સંજોગો વસાત વિકલ્પ ન મળે તો સારામાં સારું વળતર મળે તેવી માંગ કરવામાં આવી છે.