સુરતના બારડોલીની તાજપોર ખાતે આવેલ એન્જીનીયરીંગ કોલેજમાં વિદ્યાર્થીઓ દ્વારા અવનવું સંશોધન કરાઈ રહ્યું છે. ત્યારે હવે ખેડૂતો માટે એક એવી સિસ્ટમ બનાવાઈ છે. ખેતી પ્રધાનદેશ અને ખેતી કરતા ખેડૂતો માટે ખેતીના પાકને રક્ષણ માટે ક્રોપ મોનીટરીંગ સિસ્ટમ બનાવવામાં આવી છે. જેની વિશેષતા પણએ કે, જમીનનું ભેજ માપવા માટે સેન્સર મુકાય છે. જ્યારે જમીનમાં ભેજ ઓછો થાય ત્વરિત મોટર ચાલુ થઈ જાય છે અને ખેતરમાં મુકેલ ફુવારા શરૂ થઈ જાય છે. જેથી પાકને યોગ્ય સમયે અને પૂરતું પાણી મળી રહે.
એન્જીનીયરીંગ કોલેજના વિદ્યાર્થીઓએ પાકના રક્ષણ માટે બનાવ્યુ ક્રોપ મોનીટરીંગ સિસ્ટમ તાજપોર એન્જીનીયરીંગ કોલેજના ઇલેક્ટ્રિકલ વિભાગના વિધાર્થીઓ દ્વારા આ પ્રોજેકટ બનાવવામાં આવ્યો છે. પ્રોજેકટમાં જમીન સાથે અકસ્મિક રીતે સળગી જતા પાક બચાવવા પણ સંશોધન અને ઉપાય શોધી કાઢયો છે. આગ લાગવાના સમયે ત્વરિત સેન્સર એક્ટિવ થઈ જાય છે ને ખેતરમાં મુકેલ પાણીના ફુવારા ઓટોમેટીક ચાલુ થઈને આગ પર નિયંત્રણ મેળવશે.
ખાસ કરીને એન્જીનીયરીંગ વિભાગમાં વર્ષ દરમિયાન થિયરીના અભ્યાસની સાથે વાસ્તવિકતામાં પણ વિદ્યાર્થીઓમાં રહેલ શુસુપ્ત શક્તિ બહાર આવે તેવા હેતુ સાથે વિભાગ દ્વારા વિદ્યાર્થીઓ પાસે અવનવું સંશોધન કરાવવામાં આવતુ હોય છે. જેમાં વિદ્યાર્થીઓના પ્રોજેક્ટની પસંદગીની સાથે વિભાગના પ્રાધ્યાપકો પણ તેના પર દેખરેખ રાખવામાં આવે છે.
હવે રહી વાત સિસ્ટમ મુકવાની તો અંદાજીત માત્ર 15 થી 20 હજારના ખર્ચમાં તૈયાર થઈ શકે છે. જોકે ફુવારા સહિતનો અન્ય ખર્ચ અલગથી થાય છે. વિદ્યાર્થીઓએ બનાવેલ આ પ્રોજેકટને ખેડૂતો ઘર બેઠા પણ ચલાવી શકે અને ખેતરે ગયા વગર ખેતરની જાણકારી માટે મોબાઈલ ઉપર મેસેજ આવી જાય છે. ખેતરમાં પ્રાણીનો પ્રવેશ, મોટર બંધ થવી, પાકમાં આગ લાગવી જેવા તમામ સંજોગોમાં મોબાઈલ ઉપર ત્વરિત ખેડૂતને મેસેજ મળી જાય છે. દેશમાં ભાવિ વૈજ્ઞાનિકો ગણાતા વિદ્યાર્થીઓની પ્રતિભાઓને હવે સરકારને કૃષિ વિભાગ દ્વારા વિદ્યાથીઓને પ્રોત્સાહિત કરવામાં આવે તો ઘણું સંશોધન દેશમાં મળી રહે છે.
