સુરત જિલ્લાના બારડોલી ખાતે આવેલ હાઈ ટેક આર.ઓ કંપની કે જ્યાં હાઈ ટેક કંપની અને સંચાલક વિજય શાહ વિવાદમાં સપડાયા છે. તેમની જ કંપનીમાં કામ કરતા 450થી વધુ કર્મચારીઓએ હડતાળનો માર્ગ અપનાવ્યો છે. કર્મચારીઓને યોગ્ય સમયે બોનસ તેમજ પગાર વધારાની માગ નહીં સંતોષાતા આજે કામદારોએ કંપનીમાં હલ્લાબોલ કર્યું હતું.
હાઈ-ટેક કંપનીના 450 કર્મચારીઓ ઉતર્યા હડતાળ પર, બોનસ ન ચુકવાતો હોવાનો આક્ષેપ
કંપનીમાં લાંબા સમયથી કામ કરતા કર્મચારીઓ આર્થિક નાણાં ભીડને કારણે પોતાની માગ રજૂ કરી હતી. પરંતુ કોઈ યોગ્ય પ્રતિસાદ મળ્યો ન હતો. કામદારોના જણાવ્યાં મુજબ કલાકો કામકાજનું ભારણ હોવા છતાં કંપની દ્વારા કદર કરાતી નથી અને પગારના સમયે 8 હજારના પગાર પર સહીઓ કરાવી માત્ર પાંચ હજાર જ પગાર ચૂકવાતો હોવાની ફરિયાદ કરી હતી.