સાયલાના સુદામડા ગામે પાન-બીડીનું વેચાણ કરતા વેપારીનો વીડિયો વાયરલ

સુરેન્દ્રનગર: સાયલા તાલુકાના સુદામડા ગામે ખોળની આડમાં પાન-બીડી, ગુટખા, તમાકુનું વેચાણ કરતા વેપારીનો વીડિયો વાયરલ થયો છે.

સુરેન્દ્રનગર: સાયલા તાલુકાના સુદામડા ગામે ખોળની આડમા પાન-બીડી, ગુટખા, તમાકુનું વેચાણ કરતા વેપારીનો વીડિયો વાઈરલ થયો હતો. જે વીડિયોમાં લોકડાઉન અને કોરોના વાઈરસની મહામારી હોવા છતાં લોકો પાન-બીડી, ગુટખા, તમાકુ ખરીદવા પડાપડી કરતા નજરે પડ્યા હતા.

આ વાઈરલ વીડિયોને આધારે પોલીસે દુકાનમાં ચેકીંગ હાથ ધરી રૂ. 12,600/- નો મુદ્દામાલ ઝડપી પાડયો હતો. મળતી વિગતો મુજબ ઘણા સમયથી વેપારી ગેરકાયદે રીતે વેચાણ કરતો હતો. છતાં પોલીસે કેમ કાર્યવાહી ન કરી તે અંગે પણ ચર્ચા થઇ હતી. જેમાં પોલીસની અચાનક રેડથી અન્ય વેપારીઓમાં પણ ફફડાટ ફેલાયો હતો.