ધ્રાંગધ્રામાં 12.50 લાખની ચોરીનો પોલીસે ઉકેલ્યો ભેદ

સુરેન્દ્રનગર જિલ્લાનાં ધ્રાંગધ્રા શહેરમાં 20 દિવસ પહેલા ધોળા દિવસે ઘરફોડ ચોરી થઈ હતી. આ ઘરફોડ ચોરીની ઘટનામાં 12 લાખથી વધુની ચોરી થઈ હોવાની ફરિયાદ નોંધાઈ હતી. ધ્રાંગધ્રા સીટી પોલીસ સ્ટેશનમાં ચોરી થયાની ફરિયાદ નોંધાઈ છે. ત્યારબાદ ધોળા દિવસે ધ્રાંગધ્રા શહેરના હળવદ રોડ જેવા પોશ વિસ્તારમાં ચોરીની મોટી ઘટનાનાં સમાચાર વાયુ વેગે સમગ્ર શહેરમાં ફેલાઈ ગયા હતા.

• ધ્રાંગધ્રા શહેરમાં 20 દિવસ પહેલા ધોળા દિવસે થઈ હતી ઘરફોડ ચોરી
• સીટી પોલીસ સ્ટેશનમાં ચોરી થયાની નોંધાઈ હતી ફરિયાદ
• ઘરના મોભીની પત્ની અને મિત્રએ કરી હતી ચોરી

સુરેન્દ્રનગરઃ જિલ્લાનાં ધ્રાંગધ્રા શહેરમાં 20 દિવસ પહેલા ધોળા દિવસે ઘરફોડ ચોરી થઈ હતી. આ ઘરફોડ ચોરીની ઘટનામાં 12 લાખથી વધુની ચોરી થઈ હોવાની ફરિયાદ નોંધાઈ હતી. ધ્રાંગધ્રા સીટી પોલીસ સ્ટેશનમાં ચોરી થયાની ફરિયાદ નોંધાઈ છે. ત્યારબાદ ધોળા દિવસે ધ્રાંગધ્રા શહેરના હળવદ રોડ જેવા પોશ વિસ્તારમાં ચોરીની મોટી ઘટનાનાં સમાચાર વાયુ વેગે સમગ્ર શહેરમાં ફેલાઈ ગયા હતા. ધોળા દિવસે થયેલી ચોરીના સમાચાર સાંભળી લોકોમાં ચોરોના ફફડાટ ફેલાયો હતો. આની સાથે ચોરી કરતા તત્વોને તાત્કાલિક ઝડપી પાડવા લોકોની તીવ્ર માંગ પણ ઉઠવા પામી હતી.

સીટી પોલીસે ગણતરીના દિવસોમાં જ 12 લાકથી વધુની ચોરીનો ભેદ ઉકેલ્યો

ત્યાર બાદ સીટી પોલીસ માટે દિવસે ચોરીને અંજામ આપતા ઘરફોડ ચોરોને પડકવા એક ચેલેન્જ બની ગઈ હતી. આથી ધ્રાંગધ્રા DySp આર.બી દેવધાની સુચનાઓને ધ્યાનમાં રાખીને પી.આઈ. દ્વારા તપાસ કરવામાં આવી હતી, આ પોલીસ તપાસમાં ગણતરીના દિવસોમાં જ 12 લાખથી વધુ રૂપિયાની ચોરીને અંજામ આપનારા ઘરના ફરિયાદીની પત્ની અને એનો મિત્ર બંને જેલ હવાલે કરવામાં આવ્યા હતા.

ધ્રાંગધ્રામાં ધોળા દિવસે થઈ હતી ચોરી, પોલીસે ગણતરીના દિવસોમાં ભેદ ઉકેલ્યો

ઘરના ફરિયાદીની પત્ની અને તેના મિત્રએ ચોરી કરી હોવાની કરી કબુલાત

ધ્રાંગધ્રા સીટી પી.આઈ દ્વારા તપાસના ચક્રો ગતિમાન કર્યા બાદ સૂત્રોની જાણકારીઓ દ્વારા ઘરના ફરિયાદીની પત્ની અને એના મિત્રની પૂછપરછ કરવામાં આવી હતી. પોલીસ દ્વારા કરવામાં આવેલી પુછપરછમાં બંન્ને ભાંગી પડ્યાં હતાં. આથી બંન્નેએ ઘરફોડ ચોરી કરી હોવાની કબૂલાત કરી હતી. બાદ બંન્નેની ધડપકડ કર્યા બાદ ચોરાયેલો મુદ્દામાલ કબ્જે કર્યો હતો.

ઘરમાં જ ચોરી કરી ખોટી ફરિયાદ નોંધાવનારા સામે પોલીસે કરી લાલ આંખ

જ્યારે બીજી તરફ બંને વિરુદ્ધ કાયદેસરની કાર્યવાહી હાથ ધરવામાં આવી હતી. ધાંગધ્રા DySp દ્વારા વિશેષ જણાવવામાં આવ્યું હતું કે, ઘરમાં જ ચોરી કરી આવી ખોટી ફરિયાદ નોંધાવી પોલીસને ગેરમાર્ગે દોરતા તત્વો સામે હંમેશા કડક કાર્યવાહી કરવામાં આવશે.