ધ્રાંગધ્રાના જીવા ગામે ફાયરિંગમાં પિતા-પુત્રને ઇજા

સુરેન્દ્રનગર જિલ્લામાં અવાર-નવાર લૂંટ, હત્યા અને ફાયરિંગના બનાવો બનતા રહે છે અને જિલ્લામાં પોલીસની કાયદો અને વ્યવસ્થા પડી ભાંગી છે અને અસામાજીક શખ્સો બે ફામ થયા છે. ત્યારે ફરી એકવાર ધ્રાંગધ્રા તાલુકાના જીવા ગામની ગામમાં ક્ષત્રિય સમાજના બે પરિવારો વચ્ચે વાડીના સેઢાની તકરારમાં ફાયરિંગ થતા પિતા અને પુત્રને ગંભીર ઈજા પહોંચી હતી

સુરેન્દ્રનગરઃ જિલ્લામાં અવાર-નવાર લૂંટ, હત્યા અને ફાયરિંગના બનાવો બનતા રહે છે અને જિલ્લામાં પોલીસની કાયદો અને વ્યવસ્થા પડી ભાંગી છે અને અસામાજીક શખ્સો બે ફામ થયા છે. ત્યારે ફરી એકવાર ધ્રાંગધ્રા તાલુકાના જીવા ગામની ગામમાં ક્ષત્રિય સમાજના બે પરિવારો વચ્ચે વાડીના સેઢાની તકરારમાં ફાયરિંગ થતા પિતા અને પુત્રને ગંભીર ઈજા પહોંચી હતી. તેને અમદાવાદ ખાતે સારવાર માટે ખસેડવામાં આવ્યા હતા.

આ બનાવને પગલે પોલીસ દ્વારા ચુસ્ત બંદોબસ્ત ગોઠવી દેવામાં આવ્યો હતો. ધ્રાંગધ્રાના જીવા ગામની સીમમાં વાડીની સેઢાની તકરારમાં બે ક્ષત્રિય પરિવાર વચ્ચે બોલાચાલી બાદ ફાયરિંગ થતાં દિલીપસિંહ ઝાલા અને સુરપાલસિહ ઝાલા ગંભીર ઈજા થઈ હતી અને ઈજાગ્રસ્તને સુરેન્દ્રનગર અને બાદમાં અમદાવાદ ખાતે ખસેડવામાં આવ્યા હતા. આ બનાવને લઈને ધ્રાંગધ્રા સિટી પીઆઈ બી એમ દેસાઈ પીઆઈ ધોરી અને સીટી અને તાલુકા પોલીસ ઘટનાસ્થળે દોડી જઈને કોઈ અનીચ્છનીય બનાવ ન બને તે માટે ચુસ્ત બંદોબસ્ત ગોઠવી દેવામાં આવ્યો હતો. પોલીસ દ્વારા વધુ તપાસ હાથ ધરી છે.