બારડોલી સુગર ફેક્ટરીની વ્યવસ્થાપક સમિતિની ચૂંટણી માટે મતદાન શરૂ

શ્રી ખાંડ ઉદ્યોગ સહકારી મંડળી લિમિટેડ એટલે કે બારડોલી સુગર ફેકટરીની વ્યવસ્થાપક સમિતિની ચૂંટણી માટે શનિવારે મતદાન શરૂ થયું છે. કુલ 4610 સભાસદો 13 બેઠકો પર મતદાન કરી રહ્યા છે. મતદાન પ્રક્રિયા શાંતિપૂર્ણ માહોલમાં ચાલી રહી છે.

• એશિયાની સૌથી મોટી સુગર ફેક્ટરીઓમાં થાય છે બારડોલી સુગર ફેક્ટરીની ગણના
• 13 બેઠકો માટે થઈ રહ્યું છે મતદાન
• સહકાર પેનલ અને કિસાન પેનલ વચ્ચે જંગ

સુરત (બારડોલી) : એશિયાની સૌથી મોટી ગણાતી બારડોલી સુગર ફેક્ટરીની વ્યવસ્થાપક સમિતિની ચૂંટણીમાં વર્તમાન પ્રમુખ રમણ પટેલની સહકાર પેનલ અને મુકેશ પટેલની કિસાન પેનલ વચ્ચે ચૂંટણી લડાઈ રહી છે. કુલ 15 બેઠકો પૈકી અનુસૂચિત જાતિ/જનજાતિ અનામત પર સહકાર પેનલમાંથી રાજ્યના સામાજિક ન્યાય અને અધિકારીતા પ્રધાન ઈશ્વર પરમાર અને બિન ઉત્પાદક મંડળીઓની બેઠક પર સહકાર પેનલના અનિલ પટેલ બિનહરીફ જાહેર થયા હતા. જ્યારે 13 બેઠકો માટે ત્રણ મતદાન કેન્દ્રો પર શનિવારે મતદાન યોજાઇ રહ્યું છે. સવારે 8 વાગ્યાથી મતદાન પ્રક્રિયા શરૂ થઈ ચૂકી છે. જેમાં કુલ 4610 ઉત્પાદક મતદારો પોતાના મતાધિકારનો ઉપયોગ કરશે.

13 ઉમેદવારો વચ્ચે કરવાની છે પસંદગીજૂથવાર ચૂંટણીની જગ્યાએ આ વખતે જનરલ ચૂંટણી યોજાઈ રહી હોવાથી મતદારોએ તમામ 13 બેઠકોના ઉમેદવારોને મત આપવાનો છે. હાલમાં ચૂંટણી શાંતિપૂર્ણ માહોલમાં ચાલી રહી છે. બંને પેનલના સમર્થકો મતદાન કેન્દ્રો પર જોવા મળી રહ્યા છે. બંને જૂથના ઉમેદવારો પોતપોતાની જીતના દાવા કરી રહ્યા છે.મતગણતરી નહીં થાયજો કે હાલ હાઇકોર્ટમાં ચૂંટણીને લાગતો કેસ પેન્ડિંગ હોય મતગણતરી મોકૂફ રાખવામાં આવી છે. ગુજરાત હાઇકોર્ટના ચુકાદા બાદ જ મતગણતરી કરવામાં આવશે. આ પહેલા મઢી, મહુવા, ચલથાણ સુગર મિલની ચૂંટણીની મતગણતરી પર રોક લગાવી દેવામાં આવી છે.ભીડ એકત્રિત ન થાય તે માટે પૂરતો પોલીસ બંદોબસ્તકોરોનાને કારણે ભીડ એકત્રિત ન થાય તે માટે પૂરતો પોલીસ બંદોબસ્ત પણ મતદાન કેન્દ્રો પર ગોઠવી દેવામાં આવ્યો છે. મતદાન કરવા આવતા મતદારોને તેમજ સમર્થકોને માસ્ક પહેરવા અને સોશીયલ ડિસ્ટન્સિંગ જાળવવાની સૂચના આપવામાં આવી રહી છે.15 જેટલા NRI ખેડૂતો ખાસ મતદાન માટે વિદેશથી આવ્યાબારડોલી સુગર ફેક્ટરીની ચૂંટણીમાં મતદાન કરવા માટે NRIઓ પણ વિદેશથી આવી પહોંચ્યા છે. સુગર ફેક્ટરીના શેર ધરાવતા અને પોતાના નામે શેરડી પીલાણ માટે બારડોલી સુગર ફેક્ટરીને મત આપતા 15 જેટલા NRI ખેડૂતો મતદાન માટે બારડોલી આવી પહોંચ્યા છે. અમેરિકાથી આવેલા એક NRI રાજેશ ડી. નાયકે જણાવ્યુ હતું કે તેઓ ખાસ અમેરિકાથી સુગર ફેક્ટરીની ચૂંટણીમાં મતદાન કરવા માટે આવ્યા છે. મતદારોમાં પણ ચૂંટણીને લઇને ભારે ઉત્સાહ જોવા મળી રહ્યો છે. દર વખતની ચૂંટણીમાં મોટી સંખ્યામાં NRI મતદારો આવે છે પણ આ વખતે કોરોનાને કારણે આવી શક્યા નથી.