રાજકારણમાં અલગ-અલગ પક્ષના નેતાઓ પોતાના ભાષણમાં સમયાંતરે વિવાદિત નિવેદનો આપવામાં હંમેશા ચર્ચામાં રહેતા હોય છે. પછી તે ભાજપ હોય કે, કોંગ્રેસ હોય કે, પછી અન્ય પક્ષના નેતાઓ હોય.ત્યાં વધુ એક વિવાદનો મધપુડો ઉત્તરપ્રદેશથી સુરત સામાજિક કાર્યક્રમમાં હાજરી આપવા આવેલા નેતાએ છેડયો છે. જો કે, આ વખતે આ નેતા કોઈ અન્ય પાર્ટીના નહીં પરંતુ કેન્દ્રમાં રહેલી મોદી સરકારના જ એક ધારાસભ્ય છે.
યુપી ભાજપના ધારાસભ્યએ IAS અને IPS અધિકારીઓને ભ્રષ્ટ ગણાવતા મોટો વિવાદ
મળતી માહિતી મુજબ સુરત ખાતે યોજાયેલ ઉત્તર ભારતીય સમાજના એક કાર્યક્રમમાં ઉત્તરપ્રદેશ બદલાપુરના ધારાસભ્ય સુરેશ મિશ્રાએ વિવાદિત નિવેદન આપ્યું છે. 1 મિનિટ અને 44 સેકન્ડના વાયરલ વીડિયોમાં તેમણે IAS અને IPS અધિકારીઓને ભ્રષ્ટ ગણાવ્યા હતા.