Budget 2023: કેન્દ્રીય બજેટમાં એક્સાઇઝ ડ્યુટીમાં વધારાની જાહેરાત, સોના-ચાંદીના દાગીના ખરીદવા થયા મોંઘા

લગ્નસરાની સીઝન વચ્ચે કેન્દ્રીય બજેટમાં ઈમ્પોર્ટ ડ્યુટીમાં વધારો થતાં સોનું, પ્લેટિનમ, ચાંદી, હીરા મોંઘુ થશે. એના કારણે જ્વેલરી પણ મોંઘી થશે. જેથી માત્ર જ્વેલર્સમાં નહીં પરંતુ લોકોમાં પણ ઘણી ચિંતા જોવા મળી રહી છે ઈમ્પોર્ટ ડ્યુટીમાં વધારો થતા હવે લોકો ગોલ્ડને જ્વેલરી ની ખરીદી ઓછી કરશે એવું જ્વેલરી ઉદ્યોગ સાથે સંકળાયેલા લોકો માની રહ્યા છે.

સુરત: કેન્દ્રીય બજેટ સુરત માટે ખૂબ જ અગત્યનો સાબિત થયો છે કારણ કે લેબગ્રોન ડાયમંડને લઈ મહત્વની જાહેરાત કરવામાં આવી છે પરંતુ બીજી બાજુ ઈમ્પોર્ટેડ ડ્યુટી ગોલ્ડ સિલ્વર અને પ્લેટિનમમાં વધારવામાં આવતા જ્વેલરી ઉદ્યોગમાં ચિંતા પણ જોવા મળી રહી છે. કેન્દ્રીય બજેટ ને લઈ જ્વેલર્સમાં ભારે ચિંતા છે. નાણાપ્રધાન નિર્મલા સીતારમણ દ્વારા કેન્દ્રીય બજેટમાં જે ઇમ્પોટ ડ્યુટીમાં વધારાની જાહેરાત કરવામાં આવી છે તેના બાદ સોના ચાંદીના ભાવમાં વધારો થશે. ગોલ્ડ પર 15.50 ડ્યુટી વધતા વેપારીઓમાં ચિંતા છે.

સોના-ચાંદીના દાગીના ખરીદવા થયા મોંઘા

લગ્નસરાની સિઝન:હાલ લગ્નસરાની સીઝન ચાલી રહી છે અને લોકો સોના અને ચાંદીના ઘરેણાની ખરીદી કરતા હોય છે પરંતુ આજે જ્યારે કેન્દ્રીય બજેટમાં અને જાહેરાત કરવામાં આવી તેના કારણે જ્વેલરી ઉદ્યોગને ફટકો લાગ્યો છે. જ્વેલરી મોંઘી થતા લોકોની ખરીદ શક્તિ ઘટશે. જ્વેલરી ઇન્ડસ્ટ્રી સાથે સંકળાયેલા વેપારીઓમાં ચિંતા છે. હાલ 15 દિવસ ઇન્વેસ્ટમેન્ટ માટે ગોલ્ડન ચાન્સ જ્વેલરી ઉદ્યોગ સાથે સંકળાયેલા વેપારીઓ માની રહ્યા છે પરંતુ જ્યારે ઈમ્પોર્ટે ડ્યુટી વધારવાની જાહેરાત કરવામાં આવી ત્યારે જ સોના અને ચાંદીના ભાવમાં વધારો જોવા મળ્યો છે. તેવી શક્યતા પ્રબળ છે.

આ પણ વાંચોCheaper and Costlier in Budget 2023: મોબાઈલ સસ્તા, જ્વેલરી મોંઘી

સરકાર ડ્યુટી ઘટાડે:સુરતના જ્વેલર્સ દિપક ચોકસીએ જણાવ્યું હતું કે, ઘણા સમયથી એક સોનાને ચાંદીના ભાવમાં વધારો જોવા મળી રહ્યો હતો અને આજે જે રીતે બજેટમાં ગોલ્ડ સિલ્વર અને પ્લેટિનમમાં ડ્યુટી લગાડવામાં આવી છે તેના કારણે આવનાર ગેલેરીના ભાવમાં વધારો થશે અને લોકોની ખરીદ શક્તિ ઓછી જોવા મળશે. અમે સરકાર પાસે માંગણી કરીએ છીએ કે તેઓ આ અંગે વિચારે અને ડ્યુટી ઓછી કરે.

આ પણ વાંચોBudget 2023 : 7 લાખની આવક સુધી કોઇ ટેક્સ નહીં ભરવો પડે, ટેક્સ જોગવાઈમાં મોટી જાહેરાતોની અપેક્ષા ખરી ઊતરી

સોના-ચાંદીના દાગીના ખરીદવા થયા મોંઘા

ખરીદી ઓછી કરવી પડશે:જ્વેલરી ખરીદવા માટે આવેલી શીતલબેન ને જણાવ્યું હતું કે હાલ ઘરમાં લગ્ન પ્રસંગ છે અને બજેટમાં જે રીતે ગોલ્ડના ભાવમાં વધારો કરવામાં આવ્યો છે તેના કારણે અમે હવે જ્વેલરી ખરીદીમાં કાપ મૂકી રહ્યા છે. એટલું જ નહીં જે પણ પરિવારના સભ્યો છે તેમનો હાથ ઉપર ચાંદીના સિક્કાઓ આપવાનું વિચારી ગયા હતા પરંતુ પરિસ્થિતિ જોઈ આ નિર્ણય બદલી નાખ્યો છે.