4 વર્ષના જીત રાણા અને પાંચ વર્ષના વૈદિક રાણાએ કોરોનાને આપી માત

સુરતના માનદરવાજા વિસ્તારના 4 વર્ષના જીત યોગેશ રાણા અને 5 વર્ષના વૈદિક નીલેશ રાણા કોરોના સામેનો જંગ જીત્યાં છે. છેલ્લા બે રિપોર્ટ નેગેટિવ આવતા હોસ્પિટલમાંથી રજા આપવામાં આવી છે.

સુરત: શહેરના બે બાળકોએ કોરોના સામે લડાઈ જીતી છે. માનદરવાજાના બન્ને બાળકો હોસ્પિટલમાંથી ડિસ્ચાર્જ કરવામાં આવ્યા હતાં. 4 વર્ષનો જીત યોગેશ રાણા ઘરે પહોંચ્યો અને 5 વર્ષના વૈદિક નીલેશ રાણા પણ ઘરે પહોચ્યો હતો.

તે બંન્નેના છેલ્લા બે રિપોર્ટ નેગેટિવ આવતા રજા આપવામાં આવી હતી. ઘરે બન્ને બાળકોનું દાદી દ્વારા સ્વાગત કરવામાં આવ્યું હતું. દાદીએ બન્ને બાળકોની નજર ઉતારી ઘરમાં પ્રવેશ કરાવ્યો હતો. બાળકોએ પણ દાદીના પગ પડી આશીર્વાદ લીધા હતા. ત્યારબાદ બન્ને બાળકોએ ફટાકડા ફોડી ખુશી મનાવી હતી.