રાજકોટમાં સેલ્ફી લેવાના ચક્કરમાં ત્રણ લોકોના મોત

રાજકોટ: શહેરના રૈયાગામ નજીક આવેલ તળાવમાં સેલ્ફી લેવાના ચક્કરમાં ત્રણ લોકોના મોત થયા છે. ફાયરવિભાગ દ્વારા ત્રણ લોકોના મૃતદેહને પાણીમાંથી બહાર કાઢ્યા છે. વધુ તપાસ હાથ ધરી છે.

ભારતમાં સેલ્ફીનો ક્રેઝ એટલી હદે વધ્યો છે કે, હવે સેલ્ફી લેવાના ચક્કરમાં લોકો દુનિયાને અલવિદા કહે છે.રાજકોટમાં સેલ્ફી જીવલેણ સાબિત થઈ છે. તળાવ પાસે એક યુવતી સહિત ત્રણ યુવાનો સેલ્ફી લેવાના ચક્કરમાં ઊંડા પાણીમાં ગરકાવ થયા હતા. આ લોકોને ડૂબતા જોઈ બચાવવા માટે તળાવમાં કુદેલા યુવાન સહિત અન્ય બે યુવાનોના તળાવમાંથી મૃતદેહ મળ્યા હતા. જ્યારે ફાયરવિભાગ દ્વારા એક યુવતીને પહેલા બચાવી લીધી હતી. આ સમગ્ર ઘટનામાં હજુ પણ એક યુવાન લાપતા હોવાનું સામે આવ્યું છે.