સુરતમાં જોખમી સ્ટંટનો વીડિયો વાયરલ, પોલીસે કાર્યવાહીની આપી ખાતરી

સુરત: સોમવારે ચર્ચામાં રહેલા જોખમી બાઇક સ્ટંટ કરનાર સામે સુરત પોલીસે ફરિયાદ નોંધવા તજવીજ હાથ ધરી છે. ટ્રાફિક પોલીસના DCP પ્રશાંત સુમ્બેએ જણાવ્યું છે કે જોખમી બાઇક સ્ટંટ કરનાર શખ્સ સામે કાયદેસરની કાર્યવાહી કરવામાં આવશે.

આ મુદ્દે સુરતના DCP સુમ્બેએ જણાવ્યું હતું કે, શહેરમાં જોખમી સ્ટંટનો વિડીયો અમારા ધ્યાને આવ્યો છે. આવા જોખમી સ્ટંટ કરનાર સામે કડક કાર્યવાહી કરવામાં આવશે અને ગુનો નોંધી જોખમી સ્ટંટ કરનારની શોધખોળ શરૂ કરવામાં આવી છે. તેઓએ વધુમાં જણાવ્યું હતું કે, આગળથી આવી ઘટનાઓ ન બને તેના પર સઘન પ્રયાસ કરાશે. શનિ અને રવિવારના રોજ આવા પોઇન્ટ પર પોલીસની ચાંપતી નજર રહેશે. આવા જોખની સ્ટંટ કરવા જીવન જોખમ બરાબર છે.