સુરતના સાડીના વેપારીની અનોખી પહેલ, સાડીના ઓર્ડર સાથે આપી કોરોના કીટ

સુરતના કાપડ વેપારી દ્વારા એક અનોખી પહેલ કરવામાં આવી છે. સાડીઓની પેકિંગ સાથે આ વેપારી દ્વારા કોરોના સંક્રમણ રોકવા માટે આરોગ્ય મંત્રાલય દ્વારા સૂચિત કીટ પણ મોકલવામાં આવી રહી છે. જે સંક્રમિત વાતાવરણમાં સકારાત્મકતાની સાથે લોકોને જાગ્રત લાવવા માટે સફળ સાબિત થઈ રહ્યું છે.

સુરતઃ શહેરના રઘુકુળ માર્કેટમાં સાડીની દુકાન ધરાવતા અને દેશના અન્ય રાજ્યોમાં સાડીનો વેપાર કરતાં ગોવિંદ ગુપ્તાએ કોરોના કાળમાં દેશમાં વધુ સંક્રમણ ન ફેલાય તે માટે એક અનોખી પહેલ કરી છે. તેમના દ્વારા રાજસ્થાન ઉત્તર પ્રદેશ સહિત અન્ય રાજ્યોમાંથી ઓર્ડરથી મંગાવવામાં આવેલા સાડીના સ્લોટ સાથે આયુષ મંત્રાલય દ્વારા નિર્ધારિત દવાની કીટ અને માસ્ક નિઃશુલ્ક મોકલવામાં આવી રહ્યા છે.

સુરતના સાડીના વેપારીની અનોખી પહેલ, સાડીના ઓર્ડર સાથે આપી કોરોના કીટ

રઘુકુળ માર્કેટમાં આવેલી સંકલ્પ સાડી શોપના માલિક ગોવિંદ ગુપ્તાની પહેલ સરાહનીય છે. હાલ લોકડાઉન બાદ શરૂ થયેલી માર્કેટ લઈ વેપારીઓને રાજ્ય બહારથી ઓર્ડર મળવાના શરૂ થયા છે. ગોવિંદ ગુપ્તાએ અત્યારસુધી 40 હજાર જેટલી સાડીઓ એક સાથે રાજ્યની બહાર મોકલી છે અને આવનાર દિવસોમાં બે લાખથી વધુ સાડીઓનો ઓર્ડર આવ્યો છે આવી જ કીટ સાથે મોકલાશે.

આ સાડીઓના પ્લોટ ખાતે આયુષ મંત્રાલય દ્વારા નિર્દેશિત આયુર્વેદિક ઉકાળો અને પંચામૃત સહિત પ્લાસ્ટિક ફેસ પ્રોટેક્ટિવ કીટ સંગીત ટુ લેયર ફેસ માસ્ક મોકલી રહ્યા છે. જેમાં હોમિયોપેથી દવા પણ સામેલ છે. આ તમામ વસ્તુઓ કોરોના સંક્રમણને રોકવા અત્યારસુધી કારગર સાબિત થઈ છે. આજ કારણ છે કે, વેપારીને અત્યારસુધી બે લાખ સાડીનો ઓર્ડર મળ્યો છે.