સુરતના કોસંબા ગામે થયેલી હત્યાનો ભેદ ઉકેલાયો, પોલીસે આરોપીઓની ધરપકડ કરી

સુરત જિલ્લા પીપોદરા GIDC વિસ્તારમાં અજાણ્યા યુવકની કરપીણ હાલતમાં કરાયેલી હત્યાનો ભેદ સુરત ગ્રામ્ય LCB અને SOG પોલીસે 4 હત્યારોની ધરપકડ કરીને સમગ્ર ભેદ ઉકેલયો છે. ત્યારે શું હતું હત્યાનું કારણ જુઓ આ અહેવાલ.

સુરતઃ જિલ્લામાં ગુનાખોરીની ઘટનામાં દિવસેને દિવસે વધારો થઈ રહ્યો છે. જાણે ગુનેગારોને પોલીસનો કોઈ ખોફ જ ન હોઈ તેમ એક પછી એક ક્રાઈમની ઘટનાને અંજામ આપવામાં સફળ થઈ રહ્યા છે. ત્યારે આ જ પ્રમાણે સુરત જિલ્લામાં વધુ એક હત્યાની ઘટના પ્રકાશમાં આવી હતી.

સુરતના પીપોદરા GIDC વિસ્તારમાં એક દિવસ અગાઉ અજાણ્યા ઈસમો દ્વારા એક યુવકને પથ્થરના ઘા જીકી અર્ધનગ્ન હાલતમાં કરપીણ હત્યા કરવામાં દેવામાં આવી હતી. જેને લઈને કોસંબા પોલીસ તેમજ સુરત SOG અને LCB પોલીસની ટીમ ઘટના સ્થળે પહોંચી હતી અને મૃતદેહનો કબજો મેળવી પીએમ અર્થે ખસેડયો હતો. ત્યારે આ હત્યા પાછળ કોણ જવાબદાર છે અને શા માટે હત્યા કરવામાં આવી હતી. તે અંગે તપાસની દોર પોલીસે હાથ ધર્યો હતો અને અંતે સુરત ગ્રામ્ય LCB અને SOG પોલીસે સમગ્ર ઘટનાનો પર્દાફાશ કર્યો હતો.

સુરત ગ્રામ્ય LCB અને SOG પોલીસે તપાસનો ધમધામો ચાલુ કર્યો હતો. બાતમીના આધારે પોલીસે હત્યામાં સંડોવાયેલા 4 જેટલા ઇસમો લવકુમાર તેમજ સદાનંદ ગૌડ તેમજ અરૂણ સાંમતરા નામના ઇસમોને પકડી પાડ્યા હતા અને હત્યા પાછળનો ભેદ ખુલ્યો હતો અને હત્યારોએ ગુનો કબૂલતા કહ્યું હતું કે, 10 માર્ચના રોજ રાતના સમયે લવકુમાર તેમજ સદાનંદ ગૌડ અને પ્રશાંત પરીદા તેઓના રૂમમાં જમતા હતા અને તેમના અરૂણ નામના મિત્રને પૈસાની લેવડ દેવડમાં કોઈ અજાણ્યા શખ્સને માર મારી રહ્યાં છે. પોલીસે ચારેય આરોપીઓની અટકાયત કરીને જેલના સળિયા ગણતા કરી દીધા છે, પરંતુ આ ગુનામાં સંડોવાયેલા અન્ય એક હત્યારાઓ સંતોષ પ્રધાન નામના ઈસમને વોન્ટેડ જાહેર કરી તેને પકડવાની તજવીજ હાથ ધરી હતી.